തിരുവനന്തപുരം: നേമം നിയോജക മണ്ഡലത്തിലെ സംഘടനാ മണ്ഡലങ്ങളായ നേമം മണ്ഡലത്തിലും ആറ്റുകാല് മണ്ഡലത്തിലും നടന്ന മഹിളാ സംഗമങ്ങള് ആവേശമായി. രണ്ടിടത്തും വനിതകളുടെ വന് പങ്കാളിത്തമായിരുന്നു. എന്ഡിഎ സ്ഥാനാര്ത്ഥി രാജീവ് ചന്ദ്രശേഖറാണ് മഹിളാ സംഗമങ്ങള് ഉദ്ഘാടനം ചെയ്തത്.
നേമം മണ്ഡലത്തിലെ മഹിളാ സംഗമം നടന്നത് പാപ്പനംകോട് ശ്രീവത്സം ആഡിറ്റോറിയത്തിലായിരുന്നു. മഹിളാ മോര്ച്ച നേമം മണ്ഡലം പ്രസിഡന്റ് ആശ അനില് അധ്യക്ഷയായ ചടങ്ങില് ഡെപ്യൂട്ടി മേയര് ജി.എസ് ആശാനാഥ്, സംസ്ഥാന വൈസ് പ്രസിഡന്റ് ഡോ.അബ്ദുള് സലാം, സംസ്ഥാന സെക്രട്ടറി അശോകന് കുളനട, മഹിളാമോര്ച്ച മണ്ഡലം ജനറല് സെക്രട്ടറി സുസ്മിത,കൗണ്സിലര്മാരായ ശ്രീദേവി എസ്.കെ, പി.എസ്.ദേവിമ, ടി.രാജലക്ഷ്മി, ബിജെപി മണ്ഡലം പ്രസിഡന്റ് കരുമം രാജേഷ് തുടങ്ങിയവര് പങ്കെടുത്തു.
ആറ്റുകാല് മണ്ഡലത്തിലെ മഹിളാ സംഗമം തിരുവല്ലം ജാനകി ആഡിറ്റോറിയത്തില് നടന്നു. മഹിളാ മോര്ച്ച മണ്ഡലം പ്രസിഡന്റ് സിനി അധ്യക്ഷത വഹിച്ച യോഗത്തില് മേഖലാ സംഘടനാ സെക്രട്ടറി കൂ.വേ സുരേഷ്, സ്റ്റാന്ഡിംഗ് കമ്മറ്റി ചെയര്പേഴ്സണ്മാരായ സത്യവതി.വി, ജി.എസ് മഞ്ജു, കൗണ്സിലര് പാച്ചല്ലൂര് ഗോപകുമാര്, മഹിളാമോര്ച്ച ജില്ലാ ജനറല് സെക്രട്ടറി ശാന്തി, മണ്ഡലം ജനറല് സെക്രട്ടറി അഞ്ജന, ബിജെപി മണ്ഡലം പ്രസിഡന്റ് കോളിയൂര് രാജേഷ് തുടങ്ങിയവര് പങ്കെടുത്തു.
മഹിളാ സംഗമത്തിന് ശേഷം ജാനകി ആഡിറ്റോറിയത്തില് നിന്നും തിരുവല്ലം ജംഗ്ഷന് വരെ രാജീവ് ചന്ദ്രശേഖര് നയിച്ച സ്ത്രീകളടക്കം നൂറ്കണക്കിന് പേര് പങ്കെടുത്ത റോഡ് ഷോയും ഉണ്ടായിരുന്നു.
തിരുവനന്തപുരത്തിന് മാറ്റം കൊണ്ടുവരാനും ഏറ്റവും നല്ല നഗരമാക്കി മാറ്റാനുമാണ് ബിജെപി ലക്ഷ്യമിടുന്നതെന്നും അതിന്റെ ഭാഗമായി നേമത്തിനും വികസനം വരണമെന്നും എന്ഡിഎ സ്ഥാനാര്ത്ഥി രാജീവ് ചന്ദ്രശേഖര്. ജനങ്ങളുടെ പ്രശ്നങ്ങള് പരിഹരിക്കാന് കഴിയുന്നയാള് എംഎല്എ ആയി വരണം അതിന് ബിജെപിയെ വിജയിപ്പിക്കണമെന്നും അദ്ദേഹം പറഞ്ഞു. നെടുങ്കാട് വാര്ഡില് നടന്ന കീ വോട്ടര്മാരുടെ യോഗത്തില് സംസാരിക്കുകയായിരുന്നു രാജീവ് ചന്ദ്രശേഖര്.
2024 പാര്ലമെന്റ് തെരഞ്ഞെടുപ്പില് മത്സരിച്ചപ്പോള് എനിക്ക് 35 ദിവസം മാത്രമാണ് സമയം ലഭിച്ചത്. എന്നിട്ടും നിങ്ങളെനിക്കു നല്കിയ സ്നേഹവും വോട്ടും പിന്തുണയും ഞാനൊരിക്കലും മറക്കില്ല. വികസിത തിരുവനന്തപുരമെന്ന സ്വപ്നമായിരുന്നു ലോകസഭയില് മത്സരിക്കുമ്പോള് എനിക്കുണ്ടായിരുന്നത്. പക്ഷേ എനിക്കതിന് അവസരം ലഭിച്ചില്ല. എംപിയായില്ലെങ്കിലും എങ്ങനെയെങ്കിലും തിരുവനന്തപുരത്ത് വികസനം നടപ്പിലാക്കണം എന്നാഗ്രഹിച്ചു. കോര്പ്പറേഷന് ഭരണം ബിജെപി പിടിച്ചത് ബിജെപിയുടെ വലിയ മുന്നേറ്റമായിരുന്നു. അടുത്തത് തലസ്ഥാനത്ത് നാല് എംഎല്എമാരെ പാര്ട്ടിക്ക് സൃഷ്ടിക്കുക എന്നതാണ്. വികസനമുണ്ടായിട്ടില്ലാത്ത തിരുവനന്തപുരത്ത് വികസനം സൃഷ്ടിക്കാന് ബിജെപി എംഎല്എമാരും ബിജെപി നേതൃത്വം കൊടുക്കുന്ന നഗരസഭ ഭരണവും തമ്മിലുള്ള കൂട്ടുകെട്ടിന് സാധിക്കും. രാജീവ് ചന്ദ്രശേഖര് പറഞ്ഞു. കൗണ്സിലര് കരമന അജിത്ത്, ബിജെപി ലീഗല് ഇന്ചാര്ജ്ജ് അഡ്വ. പ്രകാശ് ആര്.സി, ബൂത്ത് പ്രസിഡന്റ് മണികണ്ഠന്.കെ തുടങ്ങിയവര് പങ്കെടുത്തു.
