കൊച്ചി: പഞ്ചനക്ഷത്ര ഹോട്ടലില്‍ നിന്ന് കൊക്കൈയ്ന്‍ അടക്കം ലഹരിമരുന്നുമായി വമ്പന്‍മാര്‍ പിടിയില്‍. ഡോക്ടറും അഭിഭാഷകനും ഇവന്റ്മാനേജ്‌മെന്റ് ഉടമയും അടക്കം യുവതി യുവാക്കളാണ് പിടിയിലായത്. തിരുവനന്തപുരം ശംഖുമുഖം സ്വദേശി ഷാജി ഫെര്‍ണാഡോ എന്ന ഷോണ്‍ ആണ് സംഘത്തിലെ മുഖ്യകണ്ണി.
കലൂര്‍ സ്വദേശിയായ അഭിഭാഷകന്‍ രോഹിത് നായര്‍, കലൂര്‍ സ്വദേശിയായ റെസ്റ്റോറന്റ് ഉടമ ഓസ്റ്റിന്‍ ജോസ്, കെമിക്കല്‍ ട്രീറ്റ്‌മെന്റ് ബിസിനസുകാരനായ ജിനോ മുരളി, ആലപ്പുഴ സ്വദേശിയും ന്യൂട്രീഷനുമായ അക്ബര്‍ ഷാ എന്നിവര്‍ പിടിയിലായി. പന്തളം സ്വദേശിനി ദന്ത ഡോക്ടര്‍ ബെന്‍സി റാവൂത്തര്‍, ഫിസിയോതെറാപ്പിസ്റ്റ് സെയ്തലി ഫാത്തിമ, കണ്ണൂര്‍ സ്വദേശിനി ഏവിയേഷന്‍ വിദ്യാര്‍ത്ഥിനിയായ അമല്‍ റൗഫ് എന്നിവരും പിടിയിലായവരില്‍ ഉള്‍പ്പെടുന്നു.
ഇവരുടെ പക്കല്‍ നിന്നും ഹൈബ്രിഡ് കഞ്ചാവ്, കൊക്കൈയ്ന്‍, മെത്താഫിറ്റമിന്‍ അടക്കം ലഹരി വസ്തുക്കള്‍ പൊലീസ് പിടിച്ചെടുത്തു.
