ലണ്ടൻ: ഹോർമുസ് കടലിടുക്ക് വഴിയുള്ള കപ്പലുകൾക്ക് സുരക്ഷിതമായ ഗതാഗതം ഉറപ്പാക്കുന്നതിന് പിന്തുണ വാഗ്ദാനം ചെയ്ത് യൂറോപ്യൻ രാജ്യങ്ങളായ യുണൈറ്റഡ് കിംഗ്ഡം, ജർമ്മനി, ഫ്രാൻസ്, ഇറ്റലി, നെതർലാൻഡ്‌സ്, ജപ്പാൻ. ഈ വേളയിൽ വ്യാഴാഴ്ച എണ്ണ, വാതക ടാങ്കറുകൾക്ക് നേരെയുള്ള ഇറാന്റെ ആക്രമണത്തെ അപലപിച്ചു. ഇത് ആഗോളതലത്തിൽ ഊർജ്ജ വിതരണത്തെ തടസ്സപ്പെടുത്തിയെന്നും ലോക രാജ്യങ്ങൾ പറഞ്ഞു.
“കടലിടുക്കിലൂടെയുള്ള സുരക്ഷിതമായ കടന്നുപോകൽ ഉറപ്പാക്കുന്നതിനുള്ള ഉചിതമായ ശ്രമങ്ങൾക്ക് സംഭാവന നൽകാൻ ഞങ്ങൾ സന്നദ്ധത പ്രകടിപ്പിക്കുന്നു. തയ്യാറെടുപ്പ് ആസൂത്രണത്തിൽ ഏർപ്പെട്ടിരിക്കുന്ന രാജ്യങ്ങളുടെ പ്രതിബദ്ധതയെ ഞങ്ങൾ സ്വാഗതം ചെയ്യുന്നു,” – രാജ്യങ്ങളുടെ സംയുക്ത പ്രസ്താവനയിൽ പറയുന്നു.
എന്നിരുന്നാലും കടലിടുക്ക് തുറക്കുന്നതിനുള്ള സൈനിക നടപടി ഈ ശ്രമങ്ങളിൽ ഉൾപ്പെടുമോ എന്ന് ഉടൻ വ്യക്തമാക്കിയിട്ടില്ല.
