തിരുവനന്തപുരം: ലയണല്‍ മെസ്സിയെ മാര്ച്ചില് കൊണ്ടുവരുമെന്ന് പറഞ്ഞ കായികമന്ത്രി അബ്ദുറഹിമാനും റിപ്പോര്‍ട്ടര്‍ ചാനല്‍ മുതലാളിയെയും ട്രോളി ശ്രീജിത് പണിയ്‌ക്കര്‍. മാര്‍ച്ചിലെ വിന്‍ഡോ കഴിയാറായെന്നും ഇനിയെങ്കിലും മെസ്സിലെ കൊണ്ടുവരാമെന്ന് പറഞ്ഞത് ഭൂലോക ഉടായിപ്പ് ആയിരുന്നെന്ന് സമ്മതിക്കാനുമാണ് ശ്രീജിത് പണിക്കര്‍ കാര്യങ്ങള്‍ വിശദീകരിച്ച് നല്‍കിയ കുറിപ്പില്‍ പറയുന്നത്.
ശ്രീജിത് പണിക്കരുടെ കുറിപ്പ് വായിക്കാം:
ഈ അവസരത്തിൽ പറയാൻ പാടുണ്ടോ എന്നറിയില്ല; ട്രീപോർട്ടർ മൊയിലാളിയോടാണ്. അർജന്റീന ഫുട്ബോൾ ടീമിന്റെ മാർച്ചിലെ വിൻഡോയും കഴിയാറായി. ഖത്തറിൽ നടക്കേണ്ടിയിരുന്ന അർജന്റീന – സ്പെയിൻ മത്സരം ഉപേക്ഷിക്കപ്പെട്ടു. പകരം മാർച്ച് 31ന് ഗ്വാട്ടിമാലയുമായി അവർ കളിക്കുന്നുണ്ട്. അതോടെ മാർച്ച് വിൻഡോ ഖതം.
ഇനിയെങ്കിലും നിങ്ങൾ പറഞ്ഞതെല്ലാം ഭൂലോക ഉടായിപ്പ് ആയിരുന്നെന്ന് സമ്മതിക്കൂ. മ്മടെ അബ്ദുറൈമാൻ സാഹിബ് താനൂരിലെ വിൻഡോ വേണ്ടെന്നുവച്ച് തിരൂരിലെ വിൻഡോ നോക്കുകയാണ്. മരംമുറി ടീമും ഏതെങ്കിലും വിൻഡോയിലൂടെ പുറത്തുചാടാൻ നോക്കുക. മാങ്ങായുടെ ഫോണും മെസ്സിയുടെ ഫുട്ബോളും പോലെയുള്ള ഉടായിപ്പുമായി മേലാൽ ഇറങ്ങരുതെന്ന് അപേക്ഷ!……
