തിരുവനന്തപുരം: സംസ്ഥാനത്തെ സര്‍ക്കാര്‍ ഓഫീസുകളുടെ പ്രവൃത്തി ദിനങ്ങള്‍ അഞ്ചാകുമോ? സര്‍ക്കാര്‍ ഓഫീസുകളുടെ പ്രവര്‍ത്തി ദിനം 5 ആക്കി കുറയ്‌ക്കാനുള്ള ഫയല്‍ ചീഫ് സെക്രട്ടറിയുടെ മേശയിലെത്തി.
പിണറായി സര്‍ക്കാരിന്റെ അവസാനത്തേതാകാന്‍ സാധ്യതയുളള മന്ത്രിസഭാ യോഗം വെളളിയാഴ്ച ചേരാനിരിക്കെ ഇക്കാര്യം ചര്‍ച്ച ചെയ്യാനുളള സാധ്യത കൂടുതലാണ്.ജീവനക്കാര്‍ക്ക് സന്തോഷമാകുന്ന തീരുമാനം പ്രഖ്യാപിച്ചാല്‍ അത് തെരഞ്ഞെടുപ്പില്‍ ഗുണമാകുമെന്ന വിലയിരുത്തലിലാണ് സര്‍ക്കാര്‍.
പ്രവര്‍ത്തി ദിനങ്ങള്‍ ആറില്‍ നിന്നും അഞ്ചാക്കി കുറയ്‌ക്കുന്ന കാര്യം ഏറെ കാലമായി ചര്‍ച്ചയിലുണ്ട്. എന്നാല്‍ തീരുമാനം നീളുകയായിരുന്നു.
സംസ്ഥാന സര്‍ക്കാര്‍ ജീവനക്കാര്‍ കാലങ്ങളായി ഉന്നയിക്കുന്ന ആവശ്യമാണ് പ്രവൃത്തി ദിവസം അഞ്ച് ആക്കണമെന്നത്.ഭരണ പരിഷ്‌കാര കമ്മീഷനും ശമ്പള കമ്മീഷനും ഇക്കാര്യം ശരിവച്ച് ശുപാര്‍ശ നല്‍കിയിട്ടുണ്ട്.പകരം 8 മണിക്കൂര്‍ ജോലി 9 മണിക്കൂര്‍ ആയി ഉയര്‍ത്തണമെന്നാണ് നിര്‍ദേശം.ഒരു മണിക്കൂര്‍ ജോലികൂട്ടുന്നതിനെ സര്‍വീസ് സംഘടനകള്‍ എതിര്‍ക്കുന്നില്ലെങ്കിലും പൊതു അവധി ദിവസങ്ങള്‍ കുറയ്‌ക്കണമെന്ന നിര്‍ദേശം സര്‍വീസ് സംഘടനകള്‍ അംഗീകരിക്കുന്നില്ല.
നീണ്ടുപോയത്. ജീവനക്കാരുടെ കയ്യടി ലഭിക്കുന്ന സുപ്രധാന തീരുമാനം നാളെ ഉണ്ടായാല്‍ അത് തെരഞ്ഞെടുപ്പില്‍ വലിയ ചര്‍ച്ചയാകുമെന്ന് ഉറപ്പാണ്.
