തിരുവനന്തപുരം: കേരള സ്റ്റോറി 2 ചലഞ്ച് ഇപ്പോള് തരംഗമാവുകയാണ്. ഒന്നുകില് കേരള സ്റ്റോറി 2 തിയറ്ററുകളില് കാണുന്നതിന്റെ സെല്ഫി സമൂഹമാധ്യമങ്ങളില് പങ്കുവെയ്ക്കുക. അതല്ലെങ്കില് ഞാന് കേരള സ്റ്റോറി 2 കാണുമന്ന വോയ്സ് ക്ലിപ് സമൂഹമാധ്യമങ്ങളില് പങ്കുവെയ്ക്കുക. ഈ രണ്ട് കാര്യങ്ങളാണ് കേരള സ്റ്റോറി രണ്ടുമായി ബന്ധപ്പെട്ട് നടക്കുന്ന ചലഞ്ച്. ലവ് ജിഹാദിനെ എതിര്ക്കുന്ന ഓരോരുത്തരും ഈ ചലഞ്ചില് പങ്കെടുക്കൂ എന്നാണ് അനൗദ്യോഗികമായി സമൂഹമാധ്യമങ്ങളില് ഉയരുന്ന അഭ്യര്ത്ഥന.
കഴിഞ്ഞ ദിവസം ബിജെപി നേതാവ് കുമ്മനം രാജശേഖരന് ഇക്കാര്യം തുറന്നടിച്ചിരുന്നു. ഞാന് കേരള സ്റ്റോറി കാണുമെന്നാണ് കുമ്മനം രാജശേഖരന് പ്രഖ്യാപിച്ചത്. കേരള സ്റ്റോറി 2 ചലഞ്ചില് പങ്കെടുക്കുന്നതിന്റെ ഭാഗമായാണ് കുമ്മനം രാജശേഖരന് ഇക്കാര്യം സിനിമ കാണുന്നതിന് മുന്പേ പ്രഖ്യാപിച്ചതെന്ന് പറയപ്പെടുന്നു. ഈ പ്രസ്താവന സമൂഹമാധ്യമങ്ങളില് വൈറലായി പ്രചരിച്ചിരുന്നു.
അതുപോലെ കഴിഞ്ഞ ദിവസം മുന് ഡിജിപി ജേക്കബ് തോമസ് കേരള സ്റ്റോറി 2 കാണുകയും യാഥാര്ത്ഥ്യം എങ്ങിനെയാണ് പ്രൊപ്പഗണ്ട ആവുകയെന്ന് കോണ്ഗ്രസ് നേതാവ് രാഹുല് ഗാന്ധിയോട് ചോദിക്കുകയും ചെയ്തിരുന്നു.മുന് ഡിജിപി ജേക്കബ് തോമസിനോട് കേരള സ്റ്റോറി 2 തിയറ്ററില് കാണുന്നതിന്റെ സെല്ഫി പങ്കുവെയ്ക്കൂ എന്ന് പലരും സമൂഹമാധ്യമങ്ങളില് അഭ്യര്ത്ഥിച്ചിരുന്നു. അതായത് ഔദ്യോഗികമായല്ല ഈ ചലഞ്ച് കറങ്ങിനടക്കുന്നത്. തികച്ചും അനൗദ്യോഗികമായാണ് ഈ ചലഞ്ച് സമൂഹമാധ്യമങ്ങളില് ട്രെന്ഡായി പ്രചരിക്കുന്നത്.
