ന്യൂദല്‍ഹി: പശ്ചിമേഷ്യയില്‍ സംഘര്‍ഷം തുടരുമ്പോള്‍ ഇറാന്‍ വിദേശകാര്യ മന്ത്രി സയ്യിദ് അബ്ബാസ് അരാക്ച്ചിയുമായി ഫോണില്‍ സംസാരിച്ച് ഇന്ത്യന്‍ വിദേശകാര്യ മന്ത്രി എസ് ജയശങ്കര്‍. ഇന്ന് ഉച്ചയ്‌ക്കുശേഷമാണ് എസ് ജയശങ്കറും ഇറാന്‍ വിദേശകാര്യ മന്ത്രിയും സംസാരിച്ചത്. ജയശങ്കര്‍ തന്നെയാണ് ഇക്കാര്യം എക്‌സിലൂടെ അറിയിച്ചത്.
എന്താണ് സംസാരിച്ചതെന്ന് എസ് ജയശങ്കര്‍ വിശദീകരിച്ചില്ല. അമേരിക്കന്‍ – ഇസ്രായേല്‍ സംയുക്ത ആക്രമണത്തില്‍ കൊല്ലപ്പെട്ട ഇറാന്‍ പരമോന്നത നേതാവ് ആയത്തൊള്ള അലി ഖമനേയിക്ക് അനുശോചനം രേഖപ്പെടുത്തിയതിന് പിന്നാലെയാണ് എസ് ജയശങ്കര്‍ ഇറാന്‍ വിദേശകാര്യ മന്ത്രിയുമായി ഫോണില്‍ സംസാരിച്ചെന്ന വിവരം പുറത്തുവരുന്നത്.വ്യാഴാഴ്ച വിദേശകാര്യ സെക്രട്ടറി വിക്രം മിസ്രി ന്യൂദല്‍ഹിയിലെ ഇറാന്‍ എംബസി സന്ദര്‍ശിച്ച് ഖമനേയിയുടെ മരണത്തില്‍ അനുശോചനം അറിയിച്ചിരുന്നു.
എംബസിയിലെ അനുശോചന പുസ്തകത്തില്‍ വിക്രം മിസ്രി ഒപ്പിട്ടു. തുടര്‍ന്ന് ഇറാന്‍ സ്ഥാനപതിയുമായി കൂടിക്കാഴ്ച നടത്തി.
