ടെഹ്റാന്:ഇറാനിലെ മിനാബില് ഉണ്ടായ രണ്ട് മിസൈല് ആക്രമണങ്ങളില് കൊല്ലപ്പെട്ട ബാലികമാരുടെ എണ്ണം 85 ആയി.പെണ്കുട്ടികളുടെ പ്രൈമറി സ്കൂളിലാണ് ആക്രമണമുണ്ടായത്.
സമീപ നഗരമായ ജാസ്കില് 16 പേരും കൊല്ലപ്പെട്ടു. രണ്ടിടത്തുമായി 90 ഓളം പേര്ക്ക് ഗുരുതര പരിക്കേറ്റു.
ദക്ഷിണ ഇറാനിലെ ഹോര്മുസ്ഗാന് പ്രവിശ്യയിലുള്ള മിനാബ് നഗരത്തിലെ ഗേള്സ് പ്രൈമറി സ്കൂളിന് നേരെയാണ് ആക്രമണം ഉണ്ടായത്.പരിക്കേറ്റ നിരവധി പേര് ഗുരുതരാവസ്ഥയിലാണ്.മിനാബ് നഗരത്തിലെ റെവല്യൂഷണറി ഗാര്ഡ് താവളം ലക്ഷ്യമാക്കിയുളള മിസൈല് സ്കൂളിന് മേലെ പതിക്കുകയായിരുന്നുവെന്നാണ് കരുതുന്നത്.സ്കൂള് പൂര്ണമായും തകര്ന്നു.
ഇസ്രയേലിന്റെ ആക്രമണത്തെ തുടര്ന്ന് ഗള്ഫ് മേഖലയിലെ അമേരിക്കന് സൈനിക താവളങ്ങള്ക്ക് നേരെ ഇറാന് മിസൈലുകള് തൊടുത്തു. കുവൈറ്റ്, ബഹ്റൈന്, യുഎഇ, ഖത്തര് എന്നിവിടങ്ങളിലെ യുഎസ് താവളങ്ങള്ക്ക് നേരെയാണ് ഇറാന് മിസൈല് തൊടുത്തത്.
