ലക്നൗ : തുപ്പിയ മാവ് കൊണ്ട് തന്തൂരി റൊട്ടി ഉണ്ടാക്കി വിറ്റ ഹോട്ടൽ ജീവനക്കാരൻ അറസ്റ്റിൽ . അലിഗഡ് പോലീസാണ് സുഹെബ് ഖാൻ എന്ന പാചകക്കാരനെ അറസ്റ്റ് ചെയ്തത്. റോറാവർ പോലീസ് സ്റ്റേഷൻ പരിധിയിലെ തെലി പാഡയിൽ സ്ഥിതി ചെയ്യുന്ന ഷാദാബ് ചിക്കൻ ദർബാർ ഹോട്ടലിലാണ് സംഭവം. തുടർനടപടികൾക്കായി ഹോട്ടൽ അടച്ചുപൂട്ടി.
ഫെബ്രുവരി 21 നാണ് സുഹൈൽ ഇത്തരത്തിൽ പാചകം ചെയ്യുന്ന ഏകദേശം ആറ് സെക്കൻഡ് ദൈർഘ്യമുള്ള രണ്ട് ചെറിയ വീഡിയോ ക്ലിപ്പുകൾ സോഷ്യൽ മീഡിയയിൽ പ്രചരിച്ചത്. തന്തൂരി റൊട്ടി തയ്യാറാക്കുകന്നതിനായി സുഹൈൽ മാവ് എടുത്ത് വയ്ക്കുന്നതും പാചകം ചെയ്യുന്നതിന് മുമ്പ് അവയിൽ തുപ്പുകയും ചെയ്യുന്നത് ദൃശ്യങ്ങളിൽ കാണാം . വീഡിയോ വൈറലായതോടെ നാട്ടുകാർ ഹോട്ടലിനെതിരെ രംഗത്തെത്തുകയും പോലീസിൽ പരാതി നൽകുകയും ചെയ്തു.
2023-ലെ ഭാരതീയ ന്യായ സംഹിതയിലെ സെക്ഷൻ 271, 272, 1897-ലെ പകർച്ചവ്യാധി രോഗ നിയമത്തിലെ സെക്ഷൻ 3, 4 എന്നിവ പ്രകാരമാണ് എഫ്ഐആർ രജിസ്റ്റർ ചെയ്തിരിക്കുന്നത്.ഭക്ഷ്യവകുപ്പ് ഹോട്ടൽ സീൽ ചെയ്യുകയും സാമ്പിളുകൾ ശേഖരിക്കുകയും ചെയ്തു
