ന്യൂദല്ഹി: 2021 നെ അപേക്ഷിച്ച് ഇന്ന് വാഹനമോടിക്കുന്നവര് ഇന്ധനത്തിന് കുറഞ്ഞ വില നല്കുന്ന പത്ത് വിപണികളില് ഇടം നേടി ഇന്ത്യയും. സുട്ടോബിയുടെ 2026 ലെ ആഗോള ഗ്യാസ് വില റിപ്പോര്ട്ടിലാണ് ഈ കണ്ടെത്തല്. സിറിയ, ഇറാന്, ജപ്പാന്, ലെബനന്, ഈജിപ്ത്, യെമന്, ചാഡ്, മധ്യ ആഫ്രിക്കന് വിപണികള്, ഇന്ത്യ, സ്വീഡന് എന്നിവയാണ് ഇന്ധനച്ചെലവ് കുറഞ്ഞ പത്ത് രാജ്യങ്ങള്.
രാഹുല് ഗാന്ധിയുടെ ആരോപണം പൊളിഞ്ഞു
മോദി സര്ക്കാര് ഇന്ത്യയുടെ ഊര്ജ്ജ ആവശ്യങ്ങള് പണയം വെച്ചുവെന്നും ഇന്ത്യയ്ക്ക് ഇഷ്ടമുള്ളിടത്ത് നിന്നും എണ്ണ വാങ്ങാന് കഴിയുന്നില്ലെന്നും രാഹുല്ഗാന്ധി കുറ്റപ്പെടുത്തിയിരുന്നു. എന്നാല് രാഹുല് ഗാന്ധിയുടെ ഈ ആരോപണങ്ങളെല്ലാം പുതിയ കണക്കുകള് പുറത്തുവന്നതോടെ പൊളിഞ്ഞിരിക്കുകയാണ്. മോദി സര്ക്കാര് ഇന്ത്യയുടെ ഊര്ജ്ജ സുരക്ഷയ്ക്ക് ഏറ്റവും വലിയ പ്രാധാന്യം നല്കിയെന്നതിന് തെളിവാണ് 2021 നെ അപേക്ഷിച്ച് ഇന്ന് വാഹനമോടിക്കുന്നവര് ഇന്ധനത്തിന് കുറഞ്ഞ വില നല്കുന്ന പത്ത് വിപണികളില് ഇന്ത്യയും ഉള്പ്പെട്ടുവെന്ന സുട്ടോബിയുടെ 2026 ലെ ആഗോള ഗ്യാസ് വില റിപ്പോര്ട്ട്.
മോദി ഇന്ത്യക്കാരുടെ ഊര്ജ്ജസുരക്ഷയ്ക്ക് നല്കുന്ന പ്രാധാന്യം വെളിപ്പെട്ടു
ഇന്ധനസ്വാതന്ത്ര്യത്തിന് വേണ്ടി വാദിക്കുന്ന നേതാവാണ് മോദി. അതിന് പ്രധാനകാരണം എണ്ണവില വര്ധിപ്പിക്കാതെ നോക്കുക, ജനങ്ങളുടെ ഊര്ജ്ജ സുരക്ഷ ഉറപ്പാക്കുക എന്നീ കരുതലുകളാണ്. കാരണം എണ്ണവില കൂടിയാല് പിന്നെ പണപ്പെരുപ്പത്തെ പിടിച്ചുനിര്ത്താന് കഴിയില്ലെന്ന് മോദി സര്ക്കാര് കരുതുന്നു. അതുകൊണ്ടാണ് റഷ്യ വന്തോതില് ഡിസ്കൗണ്ട് നല്കിയപ്പോള് എണ്ണ ഇന്ത്യ വാങ്ങിക്കൂട്ടിയത്. ഇപ്പോള് യുഎസ് ആധിപത്യം ചെലുത്തിയ വെനസ്വേലയില് നിന്നും എണ്ണ വാങ്ങുന്നതിലും ഇന്ത്യയ്ക്ക് തെല്ലും ആശയക്കുഴപ്പമില്ല. കാരണം ഇന്ത്യ ലാക്കാക്കുന്നത് ജനങ്ങളുടെ ഊര്ജ്ജ സുരക്ഷയാണ്. അതിനായി ഏതറ്റവും പോവുക എന്നത് തന്നെയാണ് ഇന്ത്യയുടെ നയം. എണ്ണയുടെ കാര്യത്തില് ഇന്ത്യയ്ക്ക് രാഷ്ട്രീയമില്ല. എവിടെ നിന്നും കുറവ് വിലയ്ക്ക് കിട്ടുന്നോ അത് വാങ്ങുക എന്നത് തന്നെയാണ് ഇന്ത്യയുടെ നയം. പണപ്പരുപ്പം സുരക്ഷിതമായ നാല് ശതമാനത്തില് നിലനിര്ത്തുക സുപ്രധാനമാണ്. അതില് എണ്ണവില ഒരു സുപ്രധാനഘടകമാണ്.
സബ്സിഡികള്, കറന്സി മൂല്യത്തിലെ ഏറ്റിറക്കങ്ങള് മുതല് ഡിമാന്ഡ് സൈക്കിളുകള്, ആഗോള വിതരണ സാഹചര്യങ്ങള് വരെയുള്ള വ്യത്യസ്ത ഘടകങ്ങളെ ഇത് സൂചിപ്പിക്കുന്നു. ആഭ്യന്തര വിലനിര്ണ്ണയ നയങ്ങള്, ആഗോള ക്രൂഡ് ഓയില് ചലനങ്ങള്, ശുദ്ധീകരണ വിതരണത്തിലെ മാറ്റങ്ങള് എന്നിവയുടെ മിശ്രിതമാണ് പട്ടികയില് ഇന്ത്യയുടെ സാന്നിധ്യം പ്രതിഫലിപ്പിക്കുന്നത്. സബ്സിഡിയുള്ള വിപണികളുടെ അതേ രീതിയില് വിലകള് തകര്ന്നിട്ടില്ലെങ്കിലും, ആഗോള എണ്ണയുടെ അസ്ഥിരത മൂലമുണ്ടായ മുന്കാല കുതിച്ചുചാട്ടങ്ങള്ക്ക് ശേഷം ഇന്ധന ചെലവ് സ്ഥിരത കൈവരിക്കുന്നതായും റിപ്പോര്ട്ടില് പറയുന്നു.
പല വിപണികളിലും പെട്രോള് വിലയില് ചില ഇടിവ് സമ്മര്ദ്ദങ്ങള് ഉണ്ടെങ്കിലും, ഭൗമരാഷ്ട്രീയ അപകടസാധ്യതകളും വിതരണ അനിശ്ചിതത്വങ്ങളും കാരണം എണ്ണ വ്യാപാരികള് ജാഗ്രത പാലിക്കുന്നു.
