തിരുവനന്തപുരം: കേരളത്തിലെ സ്പെഷ്യൽ ഇന്‍റൻസീവ് റിവിഷന്റെ (എസ്ഐആർ) ഭാഗമായുള്ള അന്തിമ വോട്ടർ പട്ടിക പ്രസിദ്ധീകരിച്ചു. അന്തിമ പട്ടികയിൽ 2.69 കോടി വോട്ടർമാരാണ് ഉൾപ്പെട്ടത്. വോട്ടർ പട്ടികയിൽ നിന്ന് പുറത്തായത് ഒമ്പത് ലക്ഷത്തോളം പേരാണ്. കൃത്യമായി 8,97,211 പേർ വോട്ടര്‍ പട്ടികയിൽ നിന്ന് പുറത്തായി.
പ്രവാസി വോട്ടര്‍മാര്‍ 2,23,558 പേര്
ഒക്ടോബറില്‍ പ്രസിദ്ധീകരിച്ച വോട്ടര്‍പട്ടികയില്‍ 2.78 കോടി വോട്ടര്‍മാരാണ് ഉണ്ടായിരുന്നത്. എസ് ഐ ആര്‍ ഹിയറിങ്ങ് ഉള്‍പ്പെടെ പൂര്‍ത്തിയായി. ശനിയാഴ്ച പുറത്തുവിട്ട അന്തിമവോട്ടര്‍പട്ടികയില്‍ ആകെ 2,69, 53,644 വോട്ടര്‍മാരുണ്ട്. ഇതില്‍ 1,31, 26,0487 പേര് പുരുഷന്‍മാരും 1,38,27,318 പേര് സ്ത്രീകളും ആണ്. പ്രവാസി വോട്ടര്‍മാര്‍ 2,23,558 പേര് ഉണ്ട്. ട്രാന്‍സ് ജെന്‍ഡര്‍മാര്‍ 277 പേര് ഉണ്ട്. സര്‍വ്വീസ് വോട്ടര്‍മാര്‍ 24,110 പേര്. 85 വയസ്സിന് അധികം പ്രായമുള്ളവര്‍ 2,04,608 പേരോളമാണുള്ളത്.
https://electoralsearch.eci.gov.in/ എന്ന വെബ്സൈറ്റിൽ നിങ്ങളുടെ വോട്ടർ ഐഡി നമ്പർ ഉപയോഗിച്ചോ, പേര്, ബന്ധുവിന്റെ പേര്, ജനന തീയതി/ വയസ് ഉപയോഗിച്ചോ, മൊബൈൽ ഉപയോഗിച്ചോ പരിശോധിക്കാവുന്നതാണ്. അതിനായി മുഖ്യ തെരഞ്ഞെടുപ്പ് ഓഫീസറുടെ ഔദ്യോഗിക വെബ്സൈറ്റായ https://www.ceo.kerala.gov.in/ എന്ന വെബ്സൈറ്റിൽ നൽകിയിരിക്കുന്ന Kerala SIR Final Electoral Roll 2026 എന്ന ലിങ്കിൽ ക്ലിക്ക് ചെയ്ത് പരിശോധിക്കാം.
ഇനിയും അവസരമുണ്ട്
ഇനിയും വോട്ടര്‍ പട്ടികയിൽ പേര് ചേര്‍ക്കാൻ അവസരമുണ്ട്. നിയമസഭ തെരഞ്ഞെടുപ്പ് നാമനിർദേശ പത്രിക നൽകാനുള്ള അവസാന ദിവസം വരെ പേര് ചേർക്കാമെന്ന് തെരഞ്ഞെടുപ്പ് കമ്മീഷൻ അറിയിച്ചു. വോട്ടര്‍ ഐഡി നമ്പർ, പേര്, ബന്ധുവിന്റെ പേര് ,മൊബൈൽ നമ്പർ എന്നിവ ഉപയോഗിച്ച് വോട്ടര്‍ പട്ടികയില്‍ പേരുണ്ടോ എന്ന് പരിശോധിക്കാം.
