തിരുവനന്തപുരം: കടം ഒരു ബാധ്യതയല്ലെന്ന സിദ്ധാന്തവുമായി മുന് ധനമന്ത്രി ഡോ. ടി എം തോമസ് ഐസക്. പലിശ നിരക്കിനേക്കാള് ഉയര്ന്ന സാമ്പത്തിക വളര്ച്ചാ നിരക്ക് ഉണ്ടായാല് കടം പ്രശ്നമല്ല. 10 വര്ഷം കൊണ്ടല്ല, 50 വര്ഷം കൊണ്ട് തിരിച്ചടയ്ക്കാവുന്ന ദീര്ഘകാല സാമ്പത്തിക മാതൃകകളാണ് സംസ്ഥാനത്തിന് ആവശ്യമെന്നും വിഷന് 2031 അന്താരാഷ്ട്ര കോണ്ഫറന്സിന്റെ ഭാഗമായി നടന്ന സെമിനാറില് അദ്ദേഹം പറഞ്ഞു.
മധ്യവര്ഗ്ഗമോ അതിലേക്ക് ഉയരാന് ആഗ്രഹിക്കുന്നവരോ ആണ് ഇപ്പോള് കേരളത്തില് അധികം പേരും. അതിനാല് പാവപ്പെട്ടവര്ക്കുള്ള ക്ഷേമപദ്ധതികള് തുടരുന്നതിനൊപ്പം തന്നെ, മധ്യവര്ഗ്ഗത്തിന് ആവശ്യമായ ഗുണമേന്മയുള്ള തൊഴിലവസരങ്ങളും പശ്ചാത്തല സൗകര്യങ്ങളും ഒരുക്കേണ്ടതുണ്ട്.
ക്ഷേമപദ്ധതികള്ക്കുള്ള ചെലവ് കുറയ്ക്കാന് സാധിക്കാത്തതിനാല്, പശ്ചാത്തല വികസനത്തിന് പണം കണ്ടെത്താനാണ് ബജറ്റിന് പുറത്തുനിന്നുള്ള ധനസമാഹരണ മാര്ഗ്ഗമായ കിഫ്ബി നടപ്പിലാക്കിയത്. അദ്ദേഹം അഭിപ്രായപ്പെട്ടു.
