തിരുവനന്തപുരം ::സ്വന്തം സംസ്ഥാനത്ത് നടന്ന ഒരു ക്രൂരത കാണാന്‍ കണ്ണില്ലാത്ത ജോണ്‍ബ്രിട്ടാസ് ഉത്തരാഖണ്ഡിലേക്ക് ജിം ട്രെയിനറായ മുഹമ്മദ് ദീപകിന് ഐക്യദാര്‍ഢ്യം പ്രഖ്യാപിക്കാന്‍ ഓടിപ്പോയി. തൊടുപുഴ ന്യൂമാന്‍സ് കോളെജില്‍ പ്രൊഫസറായ ജോസഫ് മാഷുടെ കൈപ്പത്തികളും കാല്‍പാദവും മതതീവ്രവാദികള്‍ വെട്ടിയ ക്രൂരത അരങ്ങേറിയിട്ടും അവിടെ പോകാന്‍ ബ്രിട്ടാസ് ധൈര്യം കാട്ടിയില്ല.
ആ ജോസഫ് മാഷ്ടെ ഘാതകരെ പിടികൂടുന്നതില്‍ അന്നത്തെ വിഎസ് അച്യുതാനന്ദര്‍ സര്‍ക്കാരും പിന്നാലെ വന്ന ഉമ്മര്‍ചാണ്ടി സര്‍ക്കാരും പരാജയപ്പെട്ടു. പിന്നീട് മോദി സര്‍ക്കാരിന്റെ നിര്‍ദേശപ്രകാരം എന്‍ഐഎ അന്വേഷണം ഏറ്റെടുത്ത ശേഷമാണ് ഇതിന് പിന്നിലെ ഭീകരരെ മുഴുവന്‍ പിടികൂടിയത്.
ഉത്തരാഖണ്ഡില്‍ ബജ്രംഗ് ദളിനെ വെല്ലുവിളിച്ച ജിം ട്രെയിനറെ കാണാന്‍ രായ്‌ക്കുരാമാനം കെട്ടും കിടയ്‌ക്കയും എടുത്ത് പറക്കുകയായിരുന്നു ജോണ്‍ ബ്രിട്ടാസ്. പണ്ട് അമൃതാനന്ദമയീദേവിയ്‌ക്കെതിരെ ഒരു വിദേശവനിത പുസ്തകം എഴുതിയപ്പോള്‍ അവരുടെ അഭിമുഖം നടത്താന്‍ പോയ അതേ വേഗതയായിരുന്നു ജോണ്‍ ബ്രിട്ടാസിന് ഇവിടെയും.
.
