തിരുവനന്തപുരം: പ്രധാനമന്ത്രി നരേന്ദ്രമോദിയുമായി നേരിട്ട് കൂടിക്കാഴ്ച നടത്താന് ദല്ഹിയിലേക്ക് പോകുന്ന തിരുവനന്തപുരത്തെ ബിജെപി കൗണ്സിലര്മാര് ഗണഗീതം പാടുന്ന വീഡിയോ സമൂഹമാധ്യമങ്ങളില് വൈറല്. തീവണ്ടിയില് ബിജെപി മേയര് വി.വി.രാജേഷും ഡെപ്യൂട്ടി മേയര് ആശാ ജി നാഥും ഉള്പ്പെടെ എല്ലാ കൗണ്സിലര്മാരും കൈകൊട്ടി, താളത്തില് ഗണഗീതം ഉറക്കെ പാടുന്നത് കാണാം.
എല്ലാം ബിജെപി കൗണ്സിലര്മാരും ഗണഗീതം ഉറക്കെ ആലപിക്കുന്നുണ്ട്. സാവധാനത്തില് ആരംഭിച്ച ഗണഗീതാലാപനം അവസാനവരികളില് എത്തുമ്പോള് വേഗം കൂടുന്നത് കാണാം. ഗണഗീതത്തിലൂടെ യാത്ര അവിസ്മരണീയമാക്കുകയാണ് ബിജെപിയുടെ കോര്പറേഷന് അംഗങ്ങള്. കൗണ്സിലര്മാര് എല്ലാവരും. ബിജെപിയുടെ കാവിഷാള് പുതച്ചിട്ടുണ്ട്.
തിങ്കളാഴ്ച 12മണിക്കുള്ള കേരളാ എക്സ്പ്രസ്സിലാണ് ബിജെപി കൗണ്സിലര്മാര് ദല്ഹിയ്ക്ക് പുറപ്പെട്ടത്. വിവിധ സ്റ്റോപ്പുകളില് കൗണ്സിലര്മാര്ക്ക് സ്വീകരണം ഏര്പ്പെടുത്തിയിട്ടുണ്ട്. ഫെബ്രുവരി 13നാണ് പ്രധാനമന്ത്രിയുമായി കൂടിക്കാഴ്ച നടത്തുക. അന്ന് കൂടിക്കാഴ്ചയ്ക്ക് ശേഷം വിമാനമാര്ഗ്ഗം എല്ലാവരും തിരുവനന്തപുരത്തേയ്ക്ക് മടങ്ങും.
