രാഹുല്‍ ഗാന്ധി ജെന്‍സിയെ കലാപത്തിന് പ്രേരിപ്പിക്കുമ്പോള്‍ മോദി ജെന്‍സിയെ സൃഷ്ടിപരതയിലേക്ക് നയിക്കുന്നു, ഓറഞ്ച് ഇക്കോണമിയുമായി മോദി

ന്യൂദല്‍ഹി: 1997നും 2002നും ഇടയില്‍ ജനിച്ചവരാണ് ജെന്‍സീ തലമുറ എന്ന് അറിയപ്പെടുന്നത്. രാഹുല്‍ ഗാന്ധി ഈ ജെന്‍സി യുവതലമുറയെ കലാപത്തിന് നിരന്തരം പ്രേരിപ്പിച്ചുകൊണ്ടിരിക്കുകയാണ്. ഇല്ലാത്ത വോട്ട് ചോരി ആരോപണം വരെ ഉയര്‍ത്തി പുതിയ തലമുറ ഇത് ചോദ്യം ചെയ്യണമെന്ന് നിരന്തരം ആഹ്വാനം ചെയ്തിട്ടും ജെന്‍സി അത് കാര്യമാക്കിയിട്ടില്ല.. ഇപ്പോഴിതാ ആ ജെന്‍സീ തലമുറയെ സൃഷ്ടിപരമായ കര്‍മ്മങ്ങളിലേക്ക് നയിക്കാന്‍ ഒരുങ്ങുകയാണ് മോദി സര്‍ക്കാര്‍. അതിന്റെ ഭാഗമായാണ് ഒരു ഓറഞ്ച് സമ്പദ് ഘടന ഇന്ത്യയില്‍ കെട്ടിപ്പൊക്കാന്‍ നരേന്ദ്രമോദി സര്‍ക്കാര്‍ ശ്രമിക്കുന്നത്.

എന്താണ് ജെന്‍സിക്കാര്‍ക്കുള്ള മോദിയുടെ ഓറഞ്ച് ഇക്കോണമി?

ആശയങ്ങളെ മൂല്യമേറിയ ചരക്കും സേവനവും ആക്കി മാറ്റുന്ന സമ്പദ്ഘടനയാണ് ഓറഞ്ച് ഇക്കോണമി.

. ഇതിന്റെ ഭാഗമായി കണ്ടന്‍റ് ക്രിയേഷൻ രംഗത്തെ പ്രോത്സാഹിപ്പിക്കുന്നതിനായി 15,000 സ്കൂളുകളിലും 500 കോളേജുകളിലും ആധുനിക AVGC (അനിമേഷന്‍, വിഷ്വല്‍ ഇഫക്ട്സ്, ഗെയിമിങ്ങ്, കോമിക്സ്) ലാബുകൾ സ്ഥാപിക്കും.

അനിമേഷൻ, വിഷ്വൽ ഇഫക്ട്സ്, ഗെയിമിംഗ്, കോമിക്സ് (AVGC) മേഖലയിൽ ഭാരതത്തെ ലോകത്തിന്റെ ഹബ്ബാക്കി മാറ്റാനുള്ള പദ്ധതികളാണ് മോദി സർക്കാർ കേന്ദ്ര ബജറ്റിലൂടെ ആവിഷ്കരിക്കുന്നത്. 2025ല്‍ 2100 കോടി ഡോളര്‍ ആസ്തിയുള്ള സമ്പദ്ഘടനയാണ് അനിമേഷൻ, വിഷ്വൽ ഇഫക്ട്സ്, ഗെയിമിംഗ്, കോമിക്സ് എന്നിവ ഉള്‍പ്പെടുന്ന ഓറഞ്ച് ഇക്കോണമി. ഇതില്‍ നല്ലൊരു പങ്ക് ജെന്‍സീ വഴി ഇന്ത്യയിലേക്ക് കൊണ്ടുവരണമെന്ന് മോദി ആഗ്രഹിക്കുന്നു. ഇപ്പോള്‍ ചൈനയും അമേരിക്കയുമാണ് ഈ രംഗത്ത് ആധിപത്യം പുലര്‍ത്തുന്നത്. ഇന്ത്യയുടെ കയറ്റുമതിയ്‌ക്കും തൊഴിലിനും ഉള്ള വലിയ മേഖലയായിട്ടാണ് സൃഷ്ടിപരതയ്‌ക്ക് പ്രാധാന്യമുള്ള ഓറഞ്ച് സമ്പദ് ഘടനയെ സര്‍ക്കാര്‍ കാണുന്നത്. AVGC മേഖലയിൽ 2030-ഓടെ 20 ലക്ഷം പുതിയ തൊഴിലവസരങ്ങൾ സൃഷ്ടിക്കാനാണ് ലക്ഷ്യമിടുന്നത്.

മുംബൈയിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ക്രിയേറ്റീവ് ടെക്നോളജീസിന് (IICT) സർക്കാർ പിന്തുണയും സഹായവും.നല‍്കും. ഇന്ത്യയുടെ ഭാവിസാമ്പത്തിക വളര്‍ച്ചയുടെ ഉറച്ച തൂണുകളില്‍ ഒന്നായി ഈ ഓറഞ്ച് സമ്പദ്ഘടനയെ ഇന്ത്യ കണക്കാക്കുന്നു. ഇതിനായി 450 കോടി രൂപയാണ് തുടക്കത്തില്‍ നീക്കിവെച്ചിരിക്കുന്നത്.

ഇതോടെ ജെന്‍സീയെ കലാപത്തിലേക്ക് തള്ളിവിടാന്‍ ശ്രമിക്കുന്ന രാഹുല്‍ ഗാന്ധിയെപ്പോലെ ഭരണം നഷ്ടപ്പെട്ടതില്‍ നിരാശയുള്ളവര്‍ പടച്ചുവിടുന്ന കള്ളപ്രചാരണങ്ങളെ ഈ തലമുറ തള്ളിക്കളയും എന്ന് പ്രതീക്ഷിക്കുന്നു. നേപ്പാളിലും ബംഗ്ലാദേശിലും സംഭവിച്ചതുപോലെ ഒരു ജെന്‍സീ കലാപം ഇന്ത്യയില്‍ ഉണ്ടാകില്ലെന്ന് ഉറപ്പുവരുത്താനുള്ള ശ്രമത്തിന്റെ ഭാഗം കൂടിയാണ് ഈ നീക്കം. അവര്‍ക്ക് മികച്ച ശമ്പളം ഉറപ്പുവരുത്തുന്ന തൊഴില്‍ ലഭിച്ചാല്‍ അവര്‍ കലാപത്തിലേക്ക് തിരിയേണ്ട ആവശ്യം എന്താണ്?