ഇന്ത്യ കണ്ട എക്കാലത്തെയും മികച്ച നടന്റെ മകളായിട്ടും എന്തുകൊണ്ട് അഭിനയരംഗത്തേയ്ക്ക് എത്തിയില്ല ? ഈ ചോദ്യത്തിന് സൗന്ദര്യ രജനികാന്ത് പറയുന്ന ഉത്തരമാണിപ്പോൾ വൈറലായിരിക്കുന്നത് . ഇന്ത്യൻ സിനിമയിൽ ഒരു സ്ത്രീക്ക് ജോലി ചെയ്യുന്നതിനു പരിമിതികളുണ്ടെന്ന് അച്ഛൻ പറയുമായിരുന്നുവെന്നാണ് സൗന്ദര്യ പറയുന്നത് .
‘അച്ഛൻ ഒരു സാധാരണക്കാരനാണെന്നു കരുതിയിരുന്ന സമയം എനിക്ക് ഓർമയില്ല. അദ്ദേഹം വലിയ ആരാധകരുള്ള മനുഷ്യനാണെന്ന ബോധ്യം എപ്പോഴും എനിക്കുണ്ടായിരുന്നു. കുട്ടിക്കാലത്താണ് ദളപതി സിനിമ തീയറ്ററിൽ കാണുന്നത്.അദ്ദേഹം വളരെ സ്റ്റൈലിഷ് ആയിരുന്നു. മകൾ എന്നതിലുപരി അച്ഛന്റെ ആരാധികയായിരുന്നു ഞാൻ.മുടി കൊഴിയാൻ തുടങ്ങിയതുപോലും അച്ഛനെ ബാധിച്ചിരുന്നില്ല. അത് അദ്ദേഹം സന്തോഷത്തോടെ സ്വീകരിച്ചു.
സിനിമയിൽ ഇത്രയും അനുഭവ സമ്പത്തുണ്ടായിട്ടും ഞാനോ സഹോദരിയോ ക്യാമറയ്ക്കു മുന്നിലേക്കു വരുന്നതിൽ അച്ഛന് വലിയ താത്പര്യം ഉണ്ടായിരുന്നില്ല. കാരണം ഇന്ത്യൻ സിനിമയിൽ ഒരു സ്ത്രീക്ക് ജോലി ചെയ്യുന്നതിനു പരിമിതികളുണ്ടെന്ന് അച്ഛൻ പറയുമായിരുന്നു.ചെറുപ്പത്തിൽ എനിക്ക് സിനിമയിൽ നിന്ന് നല്ല ഓഫറുകൾ വന്നിരുന്നു. പക്ഷേ, അച്ഛന്റെ ഉപദേശം ഞാൻ ഗൗരവമായി എടുത്തു. അതുകൊണ്ടു തന്നെ ക്യാമറയ്ക്കു പിന്നിൽ നിൽക്കാൻ തീരുമാനിച്ചു “ എന്നും സൗന്ദര്യ
സിനിമയിലെ പുരുഷ അഭിനേതാക്കളെ കാണുമ്പോൾ നമുക്ക് മനസ്സിലാകും. കാരണം ഒരു സ്ത്രീ അഭിനയിക്കുന്നതിനേക്കാൾ കൂടുതൽ സമയം പുരുഷന് ക്യാമറയ്ക്കു മുന്നിൽ ചെലവഴിക്കേണ്ടി വരും. പലപ്പോഴും ഒരു സ്ത്രീക്ക് അത്രയും സമയം മാറ്റി വയ്ക്കാനുണ്ടാകില്ല.’ സൗന്ദര്യ പറയുന്നു.
