ബുലവായോ: അണ്ടര്‍ 19 ലോകകപ്പ് സൂപ്പര്‍ സിക്‌സില്‍ പാകിസ്ഥാനെ മുട്ടുകുത്തിച്ച് ഇന്ത്യ സെമിയില്‍. ഇന്ത്യ ഉയര്‍ത്തിയ 253 റണ്‍സ് വിജയ ലക്ഷ്യം പിന്തുടര്‍ന്ന പാകിസ്ഥാന് 46.2 ഓവറില്‍ 194 റണ്‍സിന് എല്ലാവരും പുറത്തായി.
58 റണ്‍സ് വിജയം നേടിയ ഇന്ത്യ സെമിയില്‍ കടന്നു.ഇതോടെ പാകിസ്ഥാന് പുറത്തായി. ഇന്ത്യ ഉയര്‍ത്തിയ 253 റണ്‍സ് വിജയലക്ഷ്യം 33.3 ഓവറില്‍ മറികടന്നാല്‍ മാത്രമെ പാകിസ്ഥാന് നെറ്റ് റണ്‍റേറ്റില്‍ ഇന്ത്യയെ മറികടന്ന് സെമിയില്‍ കടക്കാനാവുമായിരുന്നുള്ളു.
പാകിസ്ഥാന് 33.3 ഓവറില്‍ നാലു വിക്കറ്റ് നഷ്ടത്തില്‍ 167 റണ്‍സിലെത്താനെ കഴിഞ്ഞുള്ളൂ. 66 റണ്‍സ് നേടിയ ഉസ്മാന്‍ ഖാനാണ് ടോപ് സ്‌കോറര്‍. ഹംസ സഹൂര്‍ 42 റണ്‍സും ഫര്‍ഹാന്‍ യൂസഫ് 38 റണ്‍സും നേടി. ഇന്ത്യയ്‌ക്കായി ആയുഷ് മാത്രെയും ഖിലാന്‍ പട്ടേലും മൂന്നു വിക്കറ്റ് വീതം വീഴ്‌ത്തി.
സ്‌കോര്‍: ഇന്ത്യ 252 ( 49.5) പാകിസ്ഥാന് 194 (46.2). ഇന്ത്യയുടെ ടോപ് സ്‌കോറര്‍ വേദാന്ത് ത്രിവേദിയാണ് . ഗ്രൂപ്പ് രണ്ടില്‍ നിന്ന് ഇംഗ്ലണ്ട് സെമി ഉറപ്പിച്ചിട്ടുണ്ട്. ഓസ്ട്രേലിയ, അഫ്ഗാനിസ്ഥാന്‍ ടീമുകളും ഇതിനോടകം സെമിയിലെത്തി.സെമിയില്‍ അഫ്ഗാനിസ്ഥാനാണ് ഇന്ത്യയുടെ എതിരാളികള്‍.
