ചെന്നൈ: സ്റ്റാലിന്റെ സനാതനധര്മ്മത്തെ ഡെങ്കിപ്പനി, മലേറിയ, കൊറോണ എന്നിവ പോലെ തുടച്ചുനീക്കണം എന്ന മകന് ഉദയനിധി സ്റ്റാലിന്റെ പ്രസ്താവന വിദ്വേഷപ്രസംഗമാണെന്ന് മദ്രാസ് ഹൈക്കോടതി. ഉദയനിധി സ്റ്റാലിന് വംശഹത്യ എന്ന വാക്ക് ഉപയോഗിച്ചിരിക്കുന്നു. അത് വിദ്വേഷപ്രസംഗമാണെന്ന് മദ്രാസ് ഹൈക്കോടതി അഭിപ്രായപ്പെട്ടു.
ജസ്റ്റിസ് എസ്. ശ്രീമതി പുറപ്പെടുവിച്ച വിധിയിലാണ് ഈ പരാമര്ശം. സനാതനധര്മ്മത്തെ എതിര്ക്കും (സനാതന എതിര്പ്പ്) എന്നല്ല, പകരം സനാതനധര്മ്മത്തെ ഉന്മൂലനം ചെയ്യുമെന്നാണ് (സനാതന ഒഴിപ്പ്) ഉദയനിധി സ്റ്റാലിന് പറഞ്ഞതെന്നും ഇതുകൊണ്ട് സനാതന ധര്മ്മത്തിന്റെ വംശഹത്യ തന്നെയാണ് ഉദ്ദേശിക്കുന്നതെന്നും അതിനാലാണ് ഇത് വിദ്വേഷപ്രസംഗമാണെന്ന് കോടതി പറയുന്നതെന്നും ജഡ്ജി എസ്. ശ്രീമതി പറഞ്ഞു.
സ്റ്റാലിന്റെ സനാതനധര്മ്മത്തെ ഡെങ്കിപ്പനി, മലേറിയ, കൊറോണ എന്നിവ പോലെ തുടച്ചുനീക്കണമെന്ന് ഉദയനിധി സ്റ്റാലിന് പ്രസ്താവിച്ചത് 2023ലാണ്. “ചില കാര്യങ്ങളെ എതിര്ത്തതുകൊണ്ടായില്ല, തുടച്ചുനീക്കുക തന്നെ വേണം. ഡെങ്കിപ്പനി, മലേറിയ, കൊറോണ, കൊതുക് എന്നിവയെ എതിര്ത്തതുകൊണ്ട് കാര്യമില്ല, തുടച്ചുനീക്കുക തന്നെ വേണം. അതുപോലെ സനാതനധര്മ്മത്തെയും എതിര്ത്തിട്ട് കാര്യമില്ല, തുടച്ചുനീക്കുക തന്നെ വേണം”- ഇതായിരുന്നു ഉദയനിധി സ്റ്റാലിന്റെ പ്രസ്താവനയിലെ മറ്റൊരു വിവാദഭാഗം.
