ഉത്സവത്തിനായി എവിടെയെങ്കിലും കൊടി ഉയർത്തിയിട്ടുണ്ടോ , അത് നടന്നിരിക്കും ; അതാണ് അതിനു പിന്നിൽ പ്രവർത്തിക്കുന്നവരുടെ ശീലം ; സന്തോഷ് പണ്ഡിറ്റ്

കൊച്ചി : മാഘമഹോത്സവത്തിന് ആശംസകൾ അറിയിച്ച് നടൻ സന്തോഷ് പണ്ഡിറ്റ് . പൈതൃകങ്ങൾ, നല്ല സംസ്കാരങ്ങൾ എന്നിവ തലമുറകളിലേക്ക് നമ്മൾ പകർന്ന് നൽകണമെന്നും അദ്ദേഹം ഫേസ്ബുക്ക് പോസ്റ്റിൽ കുറിച്ചു.

ഉത്സവത്തിനായി എവിടെയെങ്കിലും കൊടി ഉയർത്തിയിട്ടുണ്ടോ , അത് നടന്നിരിക്കും . അതാണ് അതിനു പിന്നിൽ പ്രവർത്തിക്കുന്നവരുടെ ശീലം . സർക്കാർ നിയമ പ്രകാരം എല്ലാ സഹായവുംചെയ്ത് കൊടുക്കണം. 100 ശതമാനം നിയമം നോക്കിയാൽ ഇവിടുത്തെ പല ആഘോഷങ്ങളും, രാഷ്‌ട്രീയ പാർട്ടിക്കാരുടെ സമ്മേളനങ്ങളും, യോഗങ്ങളും, പ്രതിഷേധ സമരങ്ങളും ഒന്നും നടക്കില്ല എന്ന് എല്ലാവർക്കും അറിയാലോ. അതിനാൽ കുറച്ചു വിട്ടു വിഴ്ച ഒക്കെ കാണിച്ചു പരമാവധി ഈ വലിയ ആഘോഷം വിജയിപ്പിക്കുവാൻ എല്ലാവിധ സഹായങ്ങളും ചെയ്ത് സർക്കാർ ഒപ്പം നിൽക്കണമെന്നും സന്തോഷ് പണ്ഡിറ്റ് ഫേസ്ബുക്ക് പോസ്റ്റിൽ പറയുന്നു.

ഫേസ്ബുക്ക് പോസ്റ്റിന്റെ പൂർണ്ണരൂപം….

പണ്ഡിറ്റിന്റെ ധാർമിക നിരീക്ഷണം
2026 ജനുവരി 18 മുതൽ ഫെബ്രുവരി 3 വരെ മലപ്പുറം ജില്ലയിൽ തിരുനാവായ ശ്രീ നാവാമുകുന്ദ ക്ഷേത്രത്തിൽ (മഹാ വിഷ്ണു ക്ഷേത്രം) വെച്ച് നടക്കുന്ന
കേരള കുംഭമേളക്കു എല്ലാവിധ ആശംസകളും നേരുന്നു.
വൈദിക യാഗങ്ങൾ, ഹോമങ്ങൾ, പണ്ഡിത സദസ്സ്, സമ്മേളനങ്ങൾ etc എല്ലാം ഈ കുംഭമേളയുടെ ഭാഗമായി നടത്തുന്നു.പൈതൃകങ്ങൾ, നല്ല സംസ്കാരങ്ങൾ തല മുറകളിലേക്ക് നമ്മൾ പകരണം.
ഭാരതത്തിന്റെ പേരിലുള്ള ഇന്ത്യയിലെ ഏക നദിയാണ് ഭാരതപ്പുഴ. അതിന്റെ തീരത്ത് സ്ഥിതി ചെയ്യുന്ന തിരുന്നാവായ ക്ഷേത്രം ഭാരതത്തിന്റെ പൈതൃക കേന്ദ്രമാണ്. ത്രിമുർത്തികളുടെ സജീവ സാന്നിധ്യം ഉള്ള ആയിരം കണക്കിന് വര്ഷങ്ങളായി നിലകൊള്ളുന്ന ഒരു പുണ്യ ദേവ കേന്ദ്രമാണ്..
.
തിരുനാവായ നവാമുകുന്ദ ക്ഷേത്രത്തിലെത്താനുള്ള വഴി..
റെയിൽവേ മാർഗ്ഗം
ഏറ്റവും അടുത്തുള്ള റെയിൽവേ സ്റ്റേഷൻ തിരുനാവായ ആണ്. തൃശ്ശൂരിൽ നിന്നും 64 km.കോഴിക്കോട് നിന്നും 55 km…(ക്ഷേത്രത്തിൽ നിന്ന് ഏകദേശം 2 കി.മീ അകലെ)
എക്സ്പ്രസ് ട്രെയിനുകളിൽ വരുന്നവർക്ക് തിരൂർ (10 കി.മീ ദൂരം) അല്ലെങ്കിൽ കുറ്റിപ്പുറം (6 കി.മീ ദൂരം) റെയിൽവേ സ്റ്റേഷനുകളിൽ ഇറങ്ങാവുന്നതാണ്.
റോഡ് മാർഗ്ഗംവരുന്നവർക്ക്
തിരൂർ – കുറ്റിപ്പുറം റോഡിൽ “തിരുന്നാവായ ക്ഷേത്രം” എന്നാ ബസ് സ്റ്റോപ്പ്‌ ഉണ്ടെ..ഒരുപാട് ബസ്സും ഉണ്ട്.
ഏറ്റവും അടുത്തുള്ള വിമാനത്താവളം കോഴിക്കോട് അന്താരാഷ്‌ട്ര വിമാനത്താവളം (കരിപ്പൂർ) ആണ്. ഇവിടെ നിന്ന് ക്ഷേത്രത്തിലേക്ക് ഏകദേശം 42 കി.മീ ദൂരമുണ്ട്. കൊച്ചിൻ എയർപോർട്ടിൽ നിന്നും 130 km ആവറേജ് ഉണ്ട്..
ക്ഷേത്രത്തിന്റെ വിലാസം:
തിരുനാവായ ശ്രീ നാവാമുകുന്ദ ക്ഷേത്രം, തിരൂർ – കുറ്റിപ്പുറം റോഡ്, മലപ്പുറം ജില്ല, കേരളം – 676301.
. ഈ കുംഭമേള വലിയ വിജയം ആക്കുവാൻ
സർക്കാർ നിയമ പ്രകാരം എല്ലാ സഹായവുംചെയ്ത് കൊടുക്കണം. (100 ശതമാനം നിയമം നോക്കിയാൽ ഇവിടുത്തെ പല ആഘോഷങ്ങളും, രാഷ്‌ട്രീയ പാർട്ടിക്കാരുടെ സമ്മേളനങ്ങളും, യോഗങ്ങളും, പ്രതിഷേധ സമരങ്ങളും ഒന്നും നടക്കില്ല എന്ന് എല്ലാവർക്കും അറിയാലോ. അതിനാൽ കുറച്ചു വിട്ടു വിഴ്ച ഒക്കെ കാണിച്ചു പരമാവധി ഈ വലിയ ആഘോഷം വിജയിപ്പിക്കുവാൻ എല്ലാവിധ സഹായങ്ങളും ചെയ്ത് സർക്കാർ ഒപ്പം നിൽക്കുക. )
കൂടെ നല്ല സുരക്ഷാ ക്രമീകരണങ്ങൾ ചെയ്തുകൊടുക്കുക…
വ്യക്തിപരമായി എനിക്ക് വളരെ ബന്ധമുള്ള ക്ഷേത്രമാണിത്.. ചെറുപ്പം മുതലേ ഇടയ്‌ക്കിടയ്‌ക്ക് പോകാറുണ്ട്.. വൈകുന്നേരങ്ങളിലെ ആ ക്ഷേത്ര മുറ്റത്തെ പ്രകൃതി ഒക്കെ വേറെ ലെവൽ ആണ്. ഒരുപാട് വർഷങ്ങൾക്കു മുമ്പ് കേരളത്തിലെ ഏറ്റവും പ്രശസ്തമായ No 1 ക്ഷേത്രം തിരുന്നാവായ ആയിരുന്നു.
(വാൽ കഷ്ണം…ഉത്സവത്തിനായി എവിടെയെങ്കിലും കൊടി ഉർത്തിട്ട് ഉണ്ടോ… നടന്നിരിക്കും. അതാണ് അതിനു പിന്നിൽ പ്രവർത്തിക്കുന്നവരുടെ ശീലം…ഇതൊരു പുതിയ തുടക്കം ആകട്ടെ..കുംഭമേളയ്‌ക്ക് ആശംസകൾ നേരുന്നു…)