നടി ആക്രമിക്കപ്പെട്ട കേസിൽ അതിജീവിതയുടെ അഭിഭാഷക ടിബി മിനിയെ വിമർശിച്ച് നിർമാതാവ് സജി നന്ത്യാട്ട്. മഞ്ജു വാര്യർ മദ്യപിക്കുന്നയാളാണെന്ന തരത്തിൽ ടിബി മിനി സംസാരിച്ചെന്ന് സജി നന്ത്യാട്ട് തന്റെ യൂട്യൂബ് ചാനലിൽ പറഞ്ഞു.മഞ്ജു വാര്യരെക്കുറിച്ച് തെറ്റിദ്ധാരണ വരാൻ ഈ പരാമർശം കാരണമായെന്നും സജി നന്ത്യാട്ട് പറയുന്നു.
‘ മഞ്ജു വാര്യർ മദ്യപിച്ചിരുന്നു എന്ന് ഇവരങ്ങോട്ട് പറഞ്ഞ് കൊടുക്കുകയാണ്.നമ്മളാരും ഇങ്ങനെ പറഞ്ഞിട്ടില്ല. ഇതുണ്ടാക്കുന്ന ഡാമേജ് വലുതാണ്. പിന്നെ വക്കീൽ പറയുന്നത് താൻ നക്സലെെറ്റ് ആയിരുന്നു എന്നാണ്. അത് ചുമ്മ തള്ളിയതാണെന്നും ‘ സജി നന്ത്യാട്ട് പറഞ്ഞു.
കേസ് സെറ്റിൽ ചെയ്യണമെങ്കിൽ സെറ്റിൽ ചെയ്യാമെന്ന് അതിജീവിതയോട് ടിബി മിനി പറഞ്ഞത് വലിയ തെറ്റാണ് . .അപ്പോൾ ഇതെന്താ അടിപിടി കേസോ. അതോ വണ്ടിക്കേസോ. ഇവർ എന്താണ് സംസാരിക്കുന്നതെന്ന് സ്വയം യാതൊരു ബോധവുമില്ല. ദിലീപ് പീഡിപ്പിച്ചാൽ പോലും ഇത്രയും പ്രശ്നമില്ലായിരുന്നെന്ന് ടിബി മിനി പറഞ്ഞത് തീർത്തും തെറ്റാണ്. ഇതേക്കുറിച്ച് ചാനൽ ചർച്ചയിൽ ചോദിച്ചപ്പോൾ ടിബി മിനി അസ്വസ്ഥയയായെന്നും സജി നന്ത്യാട്ട് പറഞ്ഞു
