പാലക്കാട് : തനിക്കെതിരായ മൂന്നാമത്തെ പരാതിയിലെ ആരോപണങ്ങളെല്ലാം നിഷേധിച്ച് രാഹുല് മാങ്കൂട്ടത്തില് എംഎല്എ.അന്വേഷണത്തോട് പൂര്ണമായി സഹകരിക്കുന്നില്ലെന്നാണ് അറിയുന്നത്.
എല്ലാം അഭിഭാഷകന് പറയുമെന്ന നിലപാടിലാണ് രാഹുല് മാങ്കൂട്ടത്തില്.പ്രത്യേക അന്വേഷണ സംഘത്തിന്റെ ചോദ്യങ്ങള്ക്ക് കൃത്യമായി മറുപടി പറയുന്നില്ല.പരാതിയില് പറയുന്നതുപോലെ ഒരു പീഡനം നടന്നിട്ടില്ലെന്നാണ് എം എല് എ പറയുന്നത്.ഉഭയകക്ഷി സമ്മതപ്രകാരമുള്ള ബന്ധമാണ് ഉണ്ടായിരുന്നത്.
പഴുതടച്ച നീക്കത്തിലൂടെ സ്റ്റാഫ് അംഗങ്ങള് മുറിയില് ഇല്ലാത്തപ്പോഴാണ് അര്ദ്ധരാത്രി 12.15 ഓടെപൊലീസ് ഹോട്ടലില് കയറി രാഹുലിനെ കസ്റ്റഡിയില് എടുത്തത്.യൂണിഫോമിലെത്തിയ പൊലീസ് വനിത പൊലീസ് അടക്കമുള്ള എട്ടംഗ സംഘം എംഎല്എയെ കസ്റ്റഡിയിലെടുക്കുകയായിരുന്നു. അതീവ രഹസ്യമായായിരുന്നു പൊലീസ് നീക്കം.
ഹോട്ടലില് എത്തി റിസപ്ഷനിലുള്ളവരുടെ ഫോണ് പിടിച്ചെടുത്ത ശേഷമാണ് പൊലീസ് രാഹുലിന്റെ മുറിയിലെത്തിയത്.രാഹുലിനെതിരെ നിലവില് മൂന്ന് ബലാത്സംഗ കേസുകളാണ് ഉള്ളത്. ആദ്യത്തെ കേസില് ഹൈക്കോടതി രാഹുലിന്റെ അറസ്റ്റ് തടഞ്ഞിരുന്നു. രണ്ടാമത്തെ കേസില് വിചാരണ കോടതി മുന്കൂര് ജാമ്യം അനുവദിച്ചു.
Complaint, main
