വാസ്തുശാസ്ത്രപ്രകാരം വീട് വയ്ക്കുമ്പോഴും അതിനുള്ളിലും പുറത്തും വയ്ക്കുന്ന സാധനങ്ങളിലും ശ്രദ്ധ വേണം. എല്ലാ വസ്തുക്കളും യഥാസ്ഥാനത്ത് തന്നെ വയ്ക്കാൻ പ്രത്യേകം ശ്രദ്ധിക്കണം. അല്ലെങ്കിൽ ഗുണത്തേക്കാളേറെ ദോഷമാകും ഉണ്ടാവുക. ഇത് വീടിന് മാത്രമല്ല, അവിടെ താമസിക്കുന്ന ഓരോ മനുഷ്യരെയും ദോഷമായി ബാധിക്കും. അതിനാൽ, ശ്രദ്ധിക്കേണ്ട ചില കാര്യങ്ങൾ നോക്കാം.
1. സെപ്റ്റിക് ടാങ്ക്ഭൂമിക്കടിയിൽ വാസ്തു നോക്കാറില്ല എന്നാണ് സാധാരണ പറയുന്നത്. പക്ഷേ, വീടിന്റെ സെപ്റ്റിക് ടാങ്ക് പണിയുമ്പോൾ ചില കാര്യങ്ങൾ ഉറപ്പായും ശ്രദ്ധിക്കണം. സ്ഥിരമായി വെള്ളം കെട്ടി നിൽക്കുന്ന സംവിധാനമായതിനാൽ ഇവ വീടിന്റെ തെക്ക് വശത്ത് വയ്ക്കാൻ പാടില്ല. വീടിന്റെ നാല് കോണുകളും മദ്ധ്യഭാഗവും ഒഴിവാക്കിയുള്ള ഒരു സ്ഥാനം സെപ്റ്റിക് ടാങ്കിന് നൽകാവുന്നതാണ്.
2. പഠന മുറികന്നിമൂലയ്ക്ക് വടക്കുഭാഗത്ത് പഠന മുറി വരുന്നത് ഉത്തമമാണെന്നാണ് വാസ്തു ശാസ്ത്രത്തിൽ പറയുന്നത്. കുട്ടികൾ കിഴക്കോട്ടോ വടക്കോട്ടോ ദർശനമായി ഇരുന്ന് പഠിക്കുന്നതാണ് ഉത്തമം.
3. ടാങ്ക് വയ്ക്കുമ്പോൾപണ്ടുകാലത്ത് വീടുകളിലെല്ലാം ചിമ്മിനിയുടെ മുകളിലാണ് വാട്ടർ ടാങ്ക് വച്ചിരുന്നത്. എന്നാൽ, വീടിന്റെ വടക്ക് – കിഴക്കേ മൂല ഉയർന്ന് നിൽക്കുന്നത് നല്ലതല്ല. അതിനാലാണ് അടുക്കളയുടെ മുകളിൽ വാട്ടർ ടാങ്ക് വയ്ക്കാൻ പാടില്ല എന്നുപറയുന്നത്. വീടിന്റെ നാല് മൂലകൾ ഒഴിവാക്കി മറ്റ് ഏത് ഭാഗത്ത് വേണമെങ്കിലും വയ്ക്കാവുന്നതാണ്.
