ശബരിമല: ശബരിമലയിലെ നടപ്പന്തലില്‍ മുസ്ലിങങളുടെ പച്ചക്കൊടി ഇരുമ്പുതൂണില്‍ കെട്ടിയ നിലയില്‍ കണ്ടെത്തിയതായി പരാതി. ഈ പച്ചക്കൊടിയില്‍ ചന്ദ്രക്കല, നക്ഷത്രം എന്നിവ ഉള്ളതായും പറയുന്നു.
ഇതിന്റെ വീഡിയോകളും ലഭ്യമാണ്. ചില യൂട്യൂബ് ചാനലുകള്‍ ഇവ പുറത്തുവിട്ടിരിക്കുകയാണ്. അയ്യപ്പന്മാര്‍ നടപ്പന്തലിലൂടെ തിക്കിത്തിരക്കിപോകുന്നത് കാണാം. അവിടെ നടപ്പന്തലിന് താങ്ങ് നല്‍കുന്ന ഇരുമ്പുതൂണുകളിലൊന്നില്‍ ഈ കൊടി പാറിപ്പറക്കുന്നത് കാണാം. തൂണിനോട് ചേര്‍ന്ന് കെട്ടിയ നിലയിലാണ് ഈ കൊടി.
കോടിക്കണക്കിന് ഭക്തര്‍ വന്നുപോകുന്ന, കേന്ദ്രസേനയുടെ സുരക്ഷ ഉള്‍പ്പെടെയുള്ള ശബരിമലയിലാണ് പാകിസ്ഥാന്‍റേതിനോടും മുസ്ലിംലീഗ് പാര്‍ട്ടിയുടേതിനോടും സാമ്യമുള്ള ഈ കൊടി കാണപ്പെട്ടത്.
