തിരുവനന്തപുരം: സൈബര്‍ ആക്രമണമെന്ന് ആരോപണമുന്നയിച്ച് അതിജീവിത പരാതി നല്‍കിയതില്‍ പ്രതികരിച്ച് രാഹുല്‍ ഈശ്വര്‍.വിമര്‍ശനങ്ങളെ ഭയന്ന് ചിലര്‍ നിയമത്തെ ആയുധവല്‍ക്കരിക്കുകയാണ്. എന്തൊരു കഷ്ടമാണ് ഇത്. നമ്മുടെ നാട്ടില്‍ സത്യവും നീതിയും ഇല്ലേയെന്നും രാഹുല്‍ ഈശ്വര്‍ ചോദിച്ചു.
എതിര്‍ സ്വരങ്ങളെ നിശബ്ദമാക്കുന്ന ഈ പ്രവണത നല്ലതാണോ ?പുരുഷ കമ്മീഷന്‍ വേണം.താന്‍ ഒരു ജാമ്യ വ്യവസ്ഥയും ലംഘിച്ചിട്ടില്ല. പുരുഷന്മാര്‍ക്ക് നീതി കിട്ടണമെന്നും രാഹുല്‍ ഈശ്വര്‍ പറഞ്ഞു.
രാഹുല്‍ മാങ്കൂട്ടത്തില്‍ കേസിലെ ഇരയെ അപമാനിച്ചെന്ന് ആരോപണമുയര്‍ത്തി രാഹുല്‍ ഈശ്വറിനെതിരെ അതിജീവിത പൊലീസില്‍ പരാതി നല്‍കിയിരുന്നു. രാഹുല്‍ ഈശ്വര്‍ സമൂഹ മാധ്യമത്തിലൂടെ അധിക്ഷേപിച്ചെന്നും ഇത് ജാമ്യവ്യവസ്ഥയുടെ ലംഘനമാണെന്നുമാണ് അതിജീവിത പരാതിപ്പെട്ടത്.
