വാഷിംഗ്ടണ്‍ : ഭരണമാറ്റം ഉറപ്പാകും വരെ വെനസ്വേലയെ അമേരിക്ക ഏറ്റെടുക്കുമെന്ന് യു എസ് പ്രസിഡന്റ് ഡോണള്‍ഡ് ട്രംപ്.തങ്ങളുടെ പിടിയിലായ പ്രസിഡന്റ് നിക്കോളാസ് മഡൂറോയും ഭാര്യയും വിചാരണ നേരിടണമെന്നും നിയമത്തിന് മുന്നില്‍ കൊണ്ടുവരുമെന്നും ട്രംപ് വാര്‍ത്താസമ്മേളനത്തില്‍ പറഞ്ഞു. വെനസ്വേലയിലെ ജനങ്ങള്‍ക്ക് സ്വന്ത്രന്ത്യം ഉറപ്പാക്കുമെന്നും ട്രംപ്.
അമേരിക്കന്‍ സൈന്യം ബന്ദിയാക്കിയ നിക്കോളാസ് മഡൂറോയുടെ ചിത്രം ഡോണള്‍ഡ് ട്രംപ് പുറത്തുവിട്ടു. രണ്ടുകണ്ണുകളും മൂടികെട്ടിയ മഡൂറോയെ ചിത്രത്തില്‍ നിന്ന് കാണാം. നിക്കോളാസ് മഡൂറോയെയും ഭാര്യയെയും ഹെലികോപ്റ്ററില്‍ യു എസ് യുദ്ധക്കപ്പലിലെത്തിച്ചെന്നാണ് വിവരം. ഇവിടെ നിന്ന് ഇവരെ ന്യൂയോര്‍ക്കിലെത്തിക്കുമെന്നാണ് റിപ്പോര്‍ട്ട്. മഡൂറോയെ ന്യൂയോര്‍ക്ക് സിറ്റിയിലെ ബ്രൂക്ലിനിലെ യുണൈറ്റഡ് സ്റ്റേറ്റ്‌സ് ഫെഡറല്‍ അഡ്മിനിസ്‌ട്രേറ്റീവ് ഡിറ്റന്‍ഷന്‍ സെന്ററിലെത്തിക്കും. മഡൂറോ അമേരിക്കയില്‍ വിചാരണ നേരിടണമെന്ന് യുഎസ് അറ്റോര്‍ണി ജനറല്‍ പറഞ്ഞു.
മഡൂറോയ്‌ക്ക് എതിരെ അമേരിക്ക ഗുരുതര കുറ്റങ്ങളാണ് ചുമത്തിയത്.
