തെന്നിന്ത്യൻ യുവതാരങ്ങളിലെ മുൻനിരക്കാരാണ് വിജയ് ദേവരക്കൊണ്ടയും രശ്മിക മന്ദാനയും. ഓൺ സ്‌ക്രീനിലും ഓഫ് സ്‌ക്രീനിലും ഇരുവരും തമ്മിലുള്ള കെമിസ്ട്രി ആരാധകർക്ക് ഏറെ ഇഷ്ടമാണ്. ഒരുമിച്ച് അഭിനയിച്ച സിനിമകൾക്ക് ശേഷം, ഇരുവരും പ്രണയത്തിലാണന്ന തരത്തിലുള്ള ചർച്ചകൾ സോഷ്യൽ മീഡിയയിൽ ശക്തമായി. പൊതു പരിപാടികളിലും യാത്രകളിലും ഇരുവരും ഒരുമിച്ച് പ്രത്യക്ഷപ്പെടുന്നതും, പരസ്പരം പിന്തുണ അറിയിക്കുന്ന സോഷ്യൽ മീഡിയ പോസ്റ്റുകളും ഈ അഭ്യൂഹങ്ങൾക്ക് കൂടുതൽ ഊർജം നൽകിയിട്ടുണ്ട്.
എന്നാൽ ഈ വിഷയത്തിൽ ഇതുവരെ ഇരുവരും വ്യക്തമായ പ്രതികരണം നടത്തിയിട്ടില്ല. സ്വകാര്യജീവിതത്തെക്കുറിച്ച് മൗനം പാലിക്കുന്നതാണ് ഇരുവരുടെയും നിലപാട്. അതിനാൽ തന്നെ, പ്രചരിക്കുന്ന പ്രണയ–വിവാഹ വാർത്തകൾ ആരാധകർ കൗതുകത്തോടെയും പ്രതീക്ഷയോടെയും മാത്രമാണ് സ്വീകരിക്കുന്നത്. രശ്മികയും വിജയ് ദേവരകൊണ്ടയും 2026 ൽ വിവാഹിതരാകുമെന്ന് ഹിന്ദുസ്ഥാൻ ടൈംസ് റിപ്പോർട്ട് ചെയ്യുന്നു. 2026 ഫെബ്രുവരി 26 ന് ഉദയ്‌പൂരിലെ ഒരു പൈതൃക കൊട്ടാരത്തിൽ രശ്മികയും വിജയും വിവാഹിതരാകുമെന്ന് വൃത്തങ്ങൾ സൂചിപ്പിക്കുന്നു. വിവാഹത്തിന് മുമ്പുള്ള ചടങ്ങുകളും അവിടെ നടക്കും
നഗരത്തിലെ പൈതൃക സ്വത്തുക്കളിൽ ഒന്ന് ദമ്പതികൾ വിവാഹത്തിനായി തീരുമാനിച്ചതായും റിപ്പോർട്ടിൽ പറയുന്നു. ‘അവരുടെ വിവാഹനിശ്ചയം പോലെ തന്നെ, വിവാഹവും കുടുംബാംഗങ്ങളും അടുത്ത ബന്ധുക്കളും മാത്രം പങ്കെടുക്കുന്ന തരത്തിൽ രഹസ്യമായി സൂക്ഷിക്കാൻ ആഗ്രഹിക്കുന്നു.’ താരങ്ങളുമായി ബന്ധപ്പെട്ട വൃത്തങ്ങൾ അറിയിച്ചു. രശ്മികയും വിജയും അവരുടെ സിനിമാ മേഖലയിലെ സുഹൃത്തുക്കൾക്കായി പ്രത്യേക സ്വീകരണ പാർട്ടി നടത്തുമോ എന്ന് ഇതുവരെ വ്യക്തമായിട്ടില്ല.
2025 ൽ ദമ്പതികളുടെ വിവാഹനിശ്ചയം നടന്നു
2025 ഒക്ടോബറിലാണ് അവരുടെ വിവാഹനിശ്ചയ വാർത്തകൾ പുറത്തുവന്നത്. കുടുംബാംഗങ്ങൾ മാത്രമേ ആഘോഷങ്ങളിൽ പങ്കെടുത്തുള്ളൂ. ഇപ്പോൾ, അവരുടെ വിവാഹത്തെക്കുറിച്ച് ചർച്ചകൾ നടക്കുന്നുണ്ട്. രശ്മികയോ വിജയോ ഇതുവരെ അവരുടെ ഡേറ്റിംഗ്, വിവാഹനിശ്ചയം അല്ലെങ്കിൽ വിവാഹം എന്നിവയെക്കുറിച്ചുള്ള റിപ്പോർട്ടുകൾ സ്ഥിരീകരിച്ചിട്ടില്ലെങ്കിലും, അവർ വധൂവരന്മാരായി മാറുന്നത് കാണാൻ ആരാധകർ ആകാംക്ഷയോടെ കാത്തിരിക്കുകയാണ്.
