നാഗവല്ലിയെ മണിചിത്രത്താഴിട്ട് പൂട്ടാൻ വന്ന സണ്ണി ചേതനയറ്റ് മാടമ്പള്ളി തറവാട്ടിൽ . സിനിമയുടെ രണ്ടാം ഭാഗമല്ല മണിച്ചിത്രത്താഴ്’ സിനിമയിലെ കഥാപാത്രങ്ങളുടെ എഐ പുനരാവിഷ്കാരമാണ് സമൂഹമാധ്യമങ്ങളിൽ വൈറലാകുന്നത്.‘മണിച്ചിത്രത്താഴി’ലെ എല്ലാ പ്രധാന കഥാപാത്രങ്ങളെയും വിഡിയോയിൽ കാണാം.
കഥാപാത്രങ്ങളൊക്കെയും മരിച്ചുകിടക്കുന്നതായാണ് എഐയിൽ കാണിച്ചിരിക്കുന്നത്. ‘സ്വർണ്ണ വില ഒരു ലക്ഷം കടന്നത്തോടെ അല്ലിയുടെ കല്യാണം മുടങ്ങി. ശേഷം ഇതാണ് മാടമ്പള്ളി തറവാടിന്റെ അവസ്ഥ!’ എന്ന അടിക്കുറിപ്പോടെയാണ് ‘കനവുകഥ’ എന്ന പേജ് വിഡിയോ പങ്കുവച്ചിരിക്കുന്നത്.
തറവാടിന്റെ ഓരോ ഭാഗത്തായാണ് ഓരോ കഥാപാത്രങ്ങളും മരിച്ചു കിടക്കുന്നത്. തിലകനും ഇന്നസെന്റും മോഹൻലാലും സുരേഷ് ഗോപിയും തുടങ്ങി പ്രധാന കഥാപാത്രങ്ങളെല്ലാം ഇവിടെയുണ്ട്. നകുലന് പാതി ജീവനുണ്ടെന്നും ആളുകൾ ചൂണ്ടിക്കാട്ടുന്നുണ്ട്.
നാഗവല്ലി തറവാടിന്റെ വാതിൽ കൊട്ടിയടക്കുന്ന രംഗത്തോടെയാണ് വിഡിയോ അവസാനിക്കുന്നത്.കഥാപാത്രങ്ങളെ ഒറിജിനാലിറ്റിയോടെയാണ് അവതരിപ്പിച്ചിരിക്കുന്നതെന്ന് വിഡിയോ കണ്ടവർ പറയുന്നു .
https://www.instagram.com/reels/DSz0it_AVVJ/
