ന്യൂദല്‍ഹി:യുദ്ധത്തിന്റെ ഗതിവിഗതികള്‍ മാറ്റി വരയ്‌ക്കുന്ന ഡ്രോണ്‍ യുദ്ധത്തിലേക്ക് ഇന്ത്യ കടക്കുകയാണ്. ഇന്ത്യന്‍ സേനയെ ആധുനികമാക്കുന്നതിന്റെ ഭാഗമായി ഡ്രോണുകള് പ്രവര്‍ത്തിപ്പിക്കാന്‍ അഷ്നി പ്ലാറ്റൂണ്‍സ് എന്ന പ്രത്യേക സേനവിഭാഗത്തെ രൂപീകരിച്ചിരിക്കുകയാണ്.
അഷ്നി എന്നത് സംസ്കൃതവാക്കാണ്. ഫയര്‍ അഥവാ തീ എന്നാണ് അര്‍ത്ഥം. 20 മുതല്‍ 50 വരെ സൈനികരുടെ സംഘത്തെയാണ് ഒരു പ്ലാറ്റൂണ്‍ എന്ന് വിളിക്കുന്നത്. ലഫ്റ്റന്‍റ് പദവിയിലുള്ള ഒരു ജൂനിയര്‍ ഓഫീസറായിരിക്കും ഒരു അഷ്നി പ്ലാറ്റൂണിനെ നയിക്കുക.
ഭാവിയുദ്ധങ്ങളുടെ ഗതി മാറുകയാണ്. ഇനി കൃത്യമായ ലക്ഷ്യസ്ഥാനങ്ങള്‍ മാത്രം തകര്‍ക്കുന്ന രീതിയായിരിക്കും വരാന്‍ പോകുന്നത്. മിക്കവാറും യുദ്ധങ്ങള്‍ നിയന്ത്രിക്കുക ഡ്രോണുകള് ആയിരിക്കും. അതും ആളില്ലാതെ പറക്കുന്ന ഡ്രോണുകള്. അവയെ അണ്‍മാന്‍ഡ് എയ്റിയല്‍ വെഹിക്കിള്‍ എന്നാണ് വിളിക്കുക. ആളില്ലാതെ ആകാശത്ത് പറക്കുന്ന വാഹനങ്ങള്‍. പക്ഷെ ഇതില്‍ പ്രവര്‍ത്തിക്കുന്ന റഡാറും ജിപിഎസും എഐയും ചേര്‍ന്ന് ശത്രുവിന്റെ ആക്രമിക്കേണ്ട ലക്ഷ്യസ്ഥാനങ്ങള്‍ നിശ്ചയിച്ച് കഴിഞ്ഞാല്‍ അവിടെ കൃത്യമായി സ്ഫോടനം നടത്തും.
ഇപ്പോള്‍ ഇന്ത്യ 850 കാമികാസെ ഡ്രോണുകള് (ചാവേര്‍ ഡ്രോണുകള്) വാങ്ങാന്‍ ഉത്തരവിട്ടിരിക്കുകയാണ്. മിക്കവാറും ഇന്ത്യയിലെ ഡ്രോണ്‍ നിര്‍മ്മാണക്കമ്പനിയില്‍ നിന്നാണ് ഇന്ത്യ ഈ ഡ്രോണുകള് വാങ്ങുക. ഇത് സംബന്ധിച്ച് വിശദാംശങ്ങള്‍ പുറത്തുവന്നിട്ടില്ല. കേന്ദ്ര ആഭ്യന്തരമന്ത്രിയുടെ അധ്യക്ഷതയിലുള്ള ഡിഫന്‍സ് അക്വിസിഷന്‍ കൗണ്‍സില്‍ (ഡിഎസി) ആണ് ഇന്ത്യന്‍ സേനയിലേക്കുള്ള ആയുധങ്ങള്‍ വാങ്ങുന്നത് സംബന്ധിച്ച് തീരുമാനങ്ങള്‍ എടുക്കുക. ഈ സമിതി ഏകദേശം 2000 കോടി രൂപയാണ് കാമികസെ ഡ്രോണുകള് വാങ്ങാന്‍ നീക്കിവെച്ചിരിക്കുന്നത്.
അത്യുഗ്രന്‍ സ്ഫോടനം നടത്താന്‍ ശേഷിയുള്ള സ്ഫോടകവസ്തുക്കള്‍ നിറച്ച ഡ്രോണുകളെയാണ് കാമികസെ ഡ്രോണുകള് അഥവാ ചാവേര്‍ ഡ്രോണുകള് എന്ന് വിളിക്കുക. ഇത് ആളില്ലാതെ പറക്കുന്ന ഡ്രോണുകളാണ്. സാധാരണ ഡ്രോണുകള് പറന്നുപോയി അതിന്റെ ദൗത്യം നിര്‍വ്വഹിച്ച ശേഷം ലക്ഷ്യസ്ഥാനത്തേക്ക് മടങ്ങിവരുമെങ്കില്‍ കമികാസെ ഡ്രോണുകള് ചാവേര്‍ ഡ്രോണുകളാണ്. അത് ഒരിയ്‌ക്കല്‍ അയച്ചുകഴിഞ്ഞാല്‍ ശത്രുവിന്റെ ലക്ഷ്യസ്ഥാനത്ത് പതിച്ച് സ്ഫോടനം നടത്തി പൊട്ടിത്തെറിക്കുന്നവയാണ് ചാവേര്‍ ഡ്രോണുകളായ കാമികസെ ഡ്രോണുകള്. ഭാവിയില്‍ 30,000ഓളം കാമികസെ ഡ്രോണുകള് വാങ്ങാനാണ് ഇന്ത്യന്‍ പ്രതിരോധസേന ലക്ഷ്യമിടുന്നത്.
ജന്മഭൂമി ഓണ്‍ലൈന്‍