ന്യൂദല്‍ഹി: ഭരണഘടനയുടെ സാന്താളി ഭാഷയിലുള്ള പതിപ്പ് രാഷ്ട്രപതി ദ്രൗപദി മുര്‍മു പ്രകാശനം ചെയ്തു. സാന്താളി ഭാഷയില്‍ ഭരണഘടന ലഭ്യമായത് സാന്താളി ജനതക്ക് അഭിമാനവും സന്തോഷവും നല്‍കുന്ന കാര്യമാണെന്ന് രാഷ്ട്രപതി പറഞ്ഞു. ഭരണഘടന സ്വന്തം ഭാഷയില്‍ വായിക്കാനും മനസിലാക്കാനും അവരെ പ്രാപ്തരാക്കുമെന്നും അവര്‍ കൂട്ടിച്ചേര്‍ത്തു.
ഉപരാഷ്ട്രപതി സി.പി. രാധാകൃഷ്ണന്‍, കേന്ദ്ര നിയമ സഹമന്ത്രി അര്‍ജുന്‍ റാം മേഘ്വാള്‍ എന്നിവര്‍ ചടങ്ങില്‍ പങ്കെടുത്തു. 2003ല്‍ 92-ാം ഭേദഗതിയിലൂടെയാണ് സാന്താളി ഭാഷയെ ഭരണ ഘടനയുടെ എട്ടാം ഷെഡ്യൂളില്‍ ഉള്‍പ്പെടുത്തിയത്. ഭാരതത്തിലെ ഏറ്റവും പുരാതനമായ ഭാഷകളില്‍ ഒന്നായ സാന്താളി ഭാഷ ഝാര്‍ഖണ്ഡ്, ഒഡീഷ, ബംഗാള്‍, ബീഹാര്‍ എന്നി വിടങ്ങളിലെ പ്രമുഖ ഗോത്രവിഭാഗങ്ങളാണ് ഈ ഭാഷ സംസാരിക്കുന്നത്.
