ന്യൂദല്‍ഹി: എന്‍സിപി നേതാവ് ശരത് പവാറിന്റെ 85ാം ജന്മദിനാഘോഷം മുംബൈയില്‍ നടന്നപ്പോള്‍ രാഹുല്‍ഗാന്ധിയും അദാനിയും തമ്മില്‍ ഹസ്തദാനം നടന്നു. ആരും ഈ ദൃശ്യം ക്യാമറയില്‍ പകര്‍ത്തരുതെന്ന് ആവശ്യപ്പെട്ട ശേഷം അതീവരഹസ്യമായാണ് രാഹുല്‍ ഗാന്ധി ഗൗതം അദാനിക്ക് ഷേക് ഹാന്‍ഡ് നല്‍കിയത്.
ശരത് പവാറിന് ഇരുവരും തമ്മിലുള്ള കൂടിക്കാഴ്ചയ്‌ക്ക് അരങ്ങ് ഒരുക്കിയതെന്ന് പറയുന്നു. ഇതുവരെ അദാനിയെ പല്ലും നഖവും ഉപയോഗിച്ച് എതിര്‍ത്ത നേതാവാണ് രാഹുല്‍ഗാന്ധി. ഇനി രാഹുല്‍ ഗാന്ധി അദാനിയ്‌ക്കെതിരെ മിണ്ടില്ല എന്നാണ് രാഷ്‌ട്രീയവൃത്തങ്ങളിലെ അടക്കിപ്പിടിച്ച സംസാരം.
ഈ ഹസ്തദാനത്തിന്റെ തുടര്‍ച്ചയായി തെലുങ്കാനയില്‍ ഒരു സംഭവം നടന്നു. കോണ്ഗ്രസ് മുഖ്യമന്ത്രി രേവന്ത് റെഡ്ഡിക്ക് അദാനി 100 കോടി രൂപ വാഗ്ദാനം ചെയ്തു എന്നതാണ് ഈ സംഭവം. യുവാക്കള്‍ക്ക് തൊഴില്‍ നൈപുണ്യം വര്‍ധിപ്പിക്കുന്നതിനുള്ലള സര്‍വ്വകലാശാല ആരംഭിക്കാനാണ് ഈ തുക എന്നാണ് സംസാരമെങ്കിലും ഈ തുക കോണ്ഗ്രസ് പാര്‍ട്ടിയിലേക്കുള്ളതാണെന്ന് ദല്‍ഹിയിലെ രാഷ്‌ട്രീയനിരീക്ഷകര്‍ പറയുന്നു. അതായത് രാഹുല്‍ ഗാന്ധി ഗൗതം അദാനിയ്‌ക്ക് ഹസ്തദാനം നല്‍കിയതിന് പിന്നില്‍ ഡീല്‍ ഉണ്ടായിരുന്നുവെന്നും അതിന് പിന്നില്‍ പ്രവര്‍ത്തിച്ചത് ശരത് പവാറാണെന്നും പറയപ്പെടുന്നു.
