ന്യൂദല്ഹി: ബംഗ്ലാദേശില് വിദ്യാര്ത്ഥിസംഘടനകളെ ഇന്ത്യാ വിരുദ്ധ പ്രക്ഷോഭത്തിലേക്ക് നയിക്കാനുള്ള സാഹചര്യം ഒരുക്കിയത് അമേരിക്കന് ഡീപ് സ്റ്റേറ്റാണെന്ന് റിപ്പോര്ട്ടുകള്. കഴിഞ്ഞ കുറെ നാളുകളായി ഇന്ത്യയില് മോദി സര്ക്കാരിനെ അട്ടിമറിക്കാനുള്ള ഗൂഢപദ്ധതികള് ആസൂത്രണം ചെയ്ത് വരികയാണ് അമേരിക്കയിലെ സമാന്തര അധികാരസംവിധാനമായ ഡീപ് സ്റ്റേറ്റ്. അമേരിക്കയിലെ സമ്പന്നകുടുംബങ്ങള്, സൈനിക മേധാവികള്, ആയുധക്കമ്പനി ഉടമകള്, രഹസ്യാന്വേഷണ ഏജന്സികള്, രാഷ്ട്രീയക്കാര് എന്നിവര് ഉള്പ്പെടുന്ന ഒരു രഹസ്യശക്തിയാണ് ഡീപ് സ്റ്റേറ്റ്.
ഏത് വിധേനെയും ഇന്ത്യയെക്കൊണ്ട് ബംഗ്ലാദേശിനെതിരെ യുദ്ധം ചെയ്യിപ്പിക്കുകയാണ് ഡീപ് സ്റ്റേറ്റിന്റെ ലക്ഷ്യം. അങ്ങിനെ വന്നാല് പാകിസ്ഥാന്, ബംഗ്ലാദേശ് എന്നിവയെ മറയാക്കി ഇന്ത്യയ്ക്കെതിരെ നീക്കം നടത്തലാണ് ഡീപ് സ്റ്റേറ്റ് ലക്ഷ്യം. ഒപ്പം ഇന്ത്യയിലെ മുസ്ലിം ന്യൂനപക്ഷങ്ങളെക്കൂടി ഇളക്കി പ്രതിപക്ഷ പാര്ട്ടികളുമായി ചേര്ന്ന് ആഭ്യന്തരകലാപം സൃഷ്ടിക്കുക, അതുവഴി മോദി സര്ക്കാരിനെ അട്ടിമറിക്കുക.
പക്ഷെ എത്ര പ്രകോപനമുണ്ടായാലും ബംഗ്ലാദേശിനെതിരെ മൗനം പാലിക്കാനാണ് ഇന്ത്യയുടെ നീക്കമെന്നാണ് പുറത്തുവരുന്ന റിപ്പോര്ട്ടുകള്. പാകിസ്ഥാനെ മാത്രമേ ഇന്ത്യ ലക്ഷ്യം വെയ്ക്കൂ. ബംഗ്ലാദേശിനെ ഒരിയ്ക്കലും ശത്രുവായി ഇന്ത്യ കാണക്കാക്കില്ല. ഇക്കാര്യത്തില് ഇന്ത്യന് ഇന്റലിജന്സ് ഏജന്സികളുടെ വ്യക്തമായ റിപ്പോര്ട്ട് ഇന്ത്യയ്ക്ക് മുന്നിലുണ്ട്.
ഷേഖ് ഹസീന ഭരണത്തെ അട്ടിമറിച്ച ബംഗ്ലാദേശിലെ വിദ്യാര്ത്ഥി കലാപം നയിച്ച ഈങ്ക്വിലാബ് മഞ്ചയുടെ നേതാവ് ഷെരീഫ് ഉസ്മാന് ഹാദിയെക്കൊണ്ട് ഇന്ത്യയിലെ ഏഴ് വടക്ക് കിഴക്കന് സംസ്ഥാനങ്ങളെക്കൂടി ബംഗ്ലാദേശിന്റെ ഭാഗമാക്കിക്കൊണ്ടുള്ള വിശാല ബംഗ്ലാദേശ് ഭൂപടം അവതരിപ്പിച്ചത് ഈ ലക്ഷ്യത്തോടെയാണ്. ഹാദി ഈ വിശാല ബംഗ്ലാദേശ് ഭൂപടം അവതരിപ്പിച്ച് മണിക്കൂറുകള്ക്കകമാണ് ഹാദിയ്ക്ക് വെടിയേല്ക്കുന്നത്. ഇതോടെ അക്രമികള് ഇന്ത്യക്കാരാണെന്ന് വരുത്തിത്തീര്ക്കുകയായിരുന്നു ലക്ഷ്യം. വിവിധ വിദ്യാര്ത്ഥി സംഘടനനേതാക്കള് ഇടക്കാലഭരണച്ചുമതലയുള്ള മുഹമ്മദ് യൂനസിനോട് ആവശ്യപ്പെടുന്നത് ഹാനിയെ വെടിവെച്ച ശേഷം ഇന്ത്യയിലേക്ക് രക്ഷപ്പെട്ട അക്രമികളെ ഉടന് ബംഗ്ലാദേശില് എത്തിക്കാനാണ്. അതായത് ഡീപ് സ്റ്റേറ്റ് പദ്ധതി ശരിക്കും വിജയിച്ചു എന്നര്ത്ഥം. വാസ്തവത്തില് ഹാദിയുടെ മരണത്തിന് ഇന്ത്യയുമായി യാതൊരു ബന്ധവുമില്ലെന്നിരിക്കെയാണ് ഇന്ത്യയെ കൃത്യമായ ഗൂഢാലോചനയിലൂടെ കുടുക്കിയിരിക്കുന്നത്.
ഇന്ത്യയുടെ വടക്ക് കിഴക്കന് സംസ്ഥാനങ്ങളെ ബംഗ്ലാദേശിന്റെ ഭാഗമാക്കും എന്ന പ്രകോപന പ്രസംഗം ഈയിടെ നാഷണല് സിറ്റിസണ്സ് പാര്ട്ടി നേതാവ് ഹസ്നത്ത് അബ്ദുള്ളയെക്കൊണ്ട് നടത്തിച്ചതും ഈ പദ്ധതിയുടെ ഭാഗമാണെന്ന് കരുതുന്നു. ബംഗ്ലാദേശിനെതിരെ പരമാവധി ഇന്ത്യയെ പ്രകോപിപ്പിക്കുക- അതാണ് ലക്ഷ്യം. കഴിഞ്ഞ ദിവസം ഹിന്ദുവായ ദീപു ചന്ദ്രദാസ് എന്ന യുവാവിനെ ബംഗ്ലാദേശില് വിദ്യാര്ത്ഥികള് അടിച്ചുകൊന്ന് മരത്തില് കെട്ടിത്തൂക്കിയ ശേഷം കത്തിച്ച സംഭവവും ഇന്ത്യയെ പ്രകോപിപ്പിക്കാന് വേണ്ടി കരുതിക്കൂട്ടി ചെയ്യിക്കുന്നതാണ്. ഇതും പാക് ചാരസംഘടനയായ ഐഎസ് ഐ ബംഗ്ലാദേശിലെ വിദ്യാര്ത്ഥികളെക്കൊണ്ട് ചെയ്യിച്ചതാണെന്ന് പറയുന്നു. എന്തായാലും ബംഗ്ലാദേശിലെ കലാപകാരികളായ വിദ്യാര്ത്ഥികളെ മുഴുവന് ഇന്ത്യയ്ക്കെതിരെ തിരിക്കുന്നത് ആസൂത്രിതമായ ഒരു ഡീപ് സ്റ്റേറ്റ് പ്ലാന് ആണെന്ന് പറയുന്നു. ആ പ്ലാന് ഡീപ് സ്റ്റേറ്റ് നടപ്പാക്കിയത് പാകിസ്ഥാന്റെ രഹസ്യ ഏജന്സിയായി ഐഎസ് ഐയിലൂടെ ആണ്. ഡീപ് സ്റ്റേറ്റിന്റെ ഇന്ത്യാ വിരുദ്ധ പ്ലാന് ബംഗ്ലാദേശിലിരുന്ന് നടപ്പാക്കുന്നത് ഐഎസ് ഐ ആണ്.
