കൊച്ചി :ഭാര്യക്ക് നടിയെ ആക്രമിച്ച സംഭവത്തില് ഒരു ബന്ധവുമില്ലെന്ന് നടിയെ ആക്രമിക്കുന്നതിന് മുമ്പും അതിന് ശേഷവും പള്സര് സുനി ഫോണില് സംസാരിച്ച ശ്രീലക്ഷ്മിയുടെ ഭര്ത്താവ്. നാല് തവണ പൊലീസിന് മൊഴി നല്കി. ബസിലെ ഡ്രൈവര് എന്ന നിലയില് പള്സര് സുനിയെ അറിയാം. ഫോണ് പൊലീസിന് കൈമാറിയിട്ടുണ്ടെന്നും സ്വകാര്യത മാനിക്കണമെന്നും ശ്രീലക്ഷ്മിയുടെ ഭര്ത്താവ് പറഞ്ഞു.
നടിയെ ആക്രമിച്ച സംഭവത്തിന് തൊട്ടു മുമ്പും പിമ്പും പള്സര് സുനി ഫോണ് സംഭാഷണം നടത്തിയ ശ്രീലക്ഷ്മി ആരെന്ന ചോദ്യം വിചാരണ കോടതി ഉയര്ത്തിയിരുന്നു. നടിയെ ആക്രമിക്കുമ്പോള് ഓടുന്ന വാഹനത്തില് ഇരുന്നും പള്സര് സുനി ഫോണില് സംസാരിച്ചിരുന്നു. ഇവരെ കേസില് സാക്ഷിയാക്കുകയോ ഫോണിന്റെ വിശദാംശങ്ങള് ഹാജരാക്കുകയോ ചെയ്തില്ലെന്ന് കോടതി വിധി പകര്പ്പില് ഉണ്ട്.
അന്വേഷണ ഉദ്യോഗസ്ഥനുമായി ശ്രീലക്ഷ്മി പിന്നീട് സംസാരിച്ചതായി പ്രോസിക്യൂഷന് പറയുന്നുണ്ട്. എന്നാല് അവരിലേക്ക് എന്തുകൊണ്ട് അന്വേഷണം പോയില്ലെന്ന് കോടതി ആരാഞ്ഞു.അതിനിടെ, കേസിലെ വിചാരണ കോടതി വിധിക്കെതിരെ ഉടന് സര്ക്കാര് അപ്പീല് നല്കും. പത്ത് ദിവസത്തിനകം ഹൈക്കോടതിയില് അപ്പീല് നല്കാനാണ് പ്രോസിക്യൂഷന്റെ തീരുമാനം.
