കണ്ണൂര് : തദ്ദേശതിരഞ്ഞെടുപ്പിലെ തോല്വിയ്ക്ക് പിന്നാലെ കണ്ണൂര് പാറാട് പാനൂരില് യുഡിഎഫ് പ്രവര്ത്തകന്റെ വീട്ടില് വടിവാളുമായി സിപിഎം ആക്രമണം.
മുഖം മൂടി ധരിച്ചെത്തിയ സംഘം വീടുമുറ്റത്ത് നിര്ത്തിയിട്ട കാറും ബൈക്കും വെട്ടിപ്പൊളിച്ചു. പാര്ട്ടി കൊടി കൊണ്ട് മുഖം മൂടിയാണ് അക്രമികള് എത്തിയത്.
പാറാട് ടൗണില് ആഹ്ലാദ പ്രകടനത്തിനിടെയാണ് യുഡിഎഫ്- എല്ഡിഎഫ് പ്രവര്ത്തകര് തമ്മില് സംഘര്ഷമുണ്ടായത്. എല്ഡിഎഫ് ഭരിച്ചിരുന്ന കുന്നത്ത്പറമ്പ് പഞ്ചായത്തില് പരാജയപ്പെട്ടതിന് പിന്നാലെ ആണ് സംഘര്ഷം ഉണ്ടായത്.
പൊലീസ് ഇതിനിടെ ലാത്തി വീശി ഇരു പ്രവര്ത്തകരെയും സ്ഥലത്ത് നിന്ന് നീക്കി. എന്നാല് പിന്നീട് സിപിഎം പ്രവര്ത്തകര് സംഘടിച്ചെത്തുകയും വീടുകളില് എത്തി വടിവാള് വീശി ഭീഷണിപ്പെടുത്തുകയായിരുന്നു.
