കൊച്ചി: ഭാരതവും യൂറോപ്യന് യൂണിയനും യു.എസും സംയുക്തമായി നടത്തുന്ന സ്ട്രാറ്റജിക് ട്രേഡ് കണ്ട്രോള് അഡ്വാന്സ്ഡ് ലൈസന്സിങ് ആന്ഡ് എന്ഫോഴ്സ്മെന്റ് എക്സ്ചേഞ്ചില് പങ്കെടുക്കുന്ന ഭാരത സംഘത്തില് കേരളത്തില് നിന്ന് റോയ് വര്ഗീസും.
മുന് രാജ്യാന്തര അത്ലറ്റായ റോയ് വര്ഗീസ് കൊച്ചി രാജ്യാന്തര വിമാനത്താവളത്തില് കസ്റ്റംസ് ഇന്റലിജന്റ്സ് വിഭാഗത്തില് ഡപ്യൂട്ടി കമ്മിഷണര് ആണ്. ബ്രസ്സല്സില് 10, 11 തീയതികളില് നടക്കുന്ന പരിപാടിക്ക് എട്ടംഗ സംഘത്തെയാണ് കേന്ദ്ര ധനകാര്യ മന്ത്രാലയം അയയ്ക്കുന്നത്.
കേരളത്തിലെ ഏറ്റവും വേഗം കൂടിയ താരമായിരുന്ന റോയ് വര്ഗീസ് കേരള സര്വകലാശാലയില് 100, 200 മീറ്ററുകളില് റിക്കാര്ഡ് ജേതാവായിരുന്ന. സ്പോര്ട്സ് ക്വോട്ടയിലാണ് കസ്റ്റംസില് ചേര്ന്നത്. അത്ലറ്റ്സ് വെല്ഫെയര് അസോസിയേഷന് സ്ഥാപകാംഗവും നിലവില് പ്രസിഡന്റുമായ റോയ് കായിക പ്രവര്ത്തനങ്ങളില് സജീവമാണ്.
