തിരുവനന്തപുരം: സര്‍ക്കാര്‍ ജീവനക്കാരുടെ പ്രവൃത്തി ദിവസം ആഴ്ചയില്‍ അഞ്ച് ദിവസമാക്കാന്‍ നീക്കം.ഇതിന്റെ ഭാഗമായി ചീഫ് സെക്രട്ടറി സര്‍വീസ് സംഘടനകളുടെ യോഗം വിളിച്ചു.
വെള്ളിയാഴ്ചയാണ് ഓണ്‍ലൈന്‍ യോഗം.പ്രവൃത്തി ദിവസം ആറില്‍ നിന്ന് അഞ്ച് ആക്കണമെന്ന് ഭരണ പരിഷ്‌ക്കാര കമ്മീഷനും ശമ്പള കമ്മീഷനും ശുപാര്‍ശ ചെയ്തിരുന്നു.
ഇതിന് പകരം ദിവസം ഒരു മണിക്കൂര്‍ ജോലി സമയം വര്‍ദ്ധിപ്പിക്കണമെന്നാണ് നിര്‍ദേശം. ഒരു മണിക്കൂര്‍ ജോലിസമയം കൂട്ടുന്നതിനെ സര്‍വീസ് സംഘടനകള്‍ എതിര്‍ക്കുന്നില്ലെങ്കിലും പൊതു അവധി ദിവസങ്ങള്‍ കുറയ്‌ക്കണമെന്ന നിര്‍ദേശത്തെ ശക്തമായി എതിര്‍ക്കുകയാണ്.
