തിരുവനന്തപുരം: രാഹുല് മാങ്കൂട്ടത്തില് എം എല് എയ്ക്കെതിരെ ലൈംഗിക പീഡന പരാതി നല്കിയ യുവതിയെ അധിക്ഷേപിച്ചെന്ന പരാതിയില് രാഹുല് ഈശ്വര് അറസ്റ്റില്. ജാമ്യമില്ലാ വകുപ്പ് ചുമത്തിയാണ് അറസ്റ്റ്.
രാഹുന് ഈശ്വറിനെ തിങ്കളാഴ്ച മജിസ്ട്രേട്ടിന് മുന്നില് ഹാജരാക്കും. വൈദ്യപരിശോധനയ്ക്ക് ആശുപത്രിയില് എത്തിച്ച ശേഷം ഇന്ന് സൈബര് പൊലീസ് സ്റ്റേഷനില് തന്നെ പാര്പ്പിക്കും.
നേരത്തേ ജാമ്യം കിട്ടാവുന്ന വകുപ്പുകള് മാത്രം ചുമത്താനായിരുന്നു നീക്കമെങ്കിലും ഉന്നത ഉദ്യോഗസ്ഥരുമായി ചര്ച്ച നടത്തിയ ശേഷം ജാമ്യമില്ലാ വകുപ്പ് കൂടി ചുമത്തുകയായിരുന്നു.രാഹുല് ഈശ്വറിന്റെ മൊബൈല് ഫോണ് പൊലീസ് കസ്റ്റഡിയിലെടുത്തു.
രാഹുല് ഈശ്വര് ഉള്പ്പെടെ നാല് പേര്ക്കെതിരെയാണ് യുവതി പരാതി നല്കിയത്.വീഡിയോകളുടെ ലിങ്ക് ഉള്പ്പെടെയായിരുന്നു പരാതി. മഹിളാ കോണ്ഗ്രസ് പത്തനംതിട്ട ജില്ലാ ജനറല് സെക്രട്ടറി രശ്മി പുളിക്കന്, സുപ്രീം കോടതി അഭിഭാഷക ദീപാ ജോസഫ്, കെ പി സി സി ജനറല് സെക്രട്ടറി സന്ദീപ് വാര്യര്, രാഹുല് ഈശ്വര് എന്നിവര്ക്കെതിരെയാണ് പരാതി.
പരാതിക്കാരിയെ തിരിച്ചറിയാന് കഴിയും വിധം വെളിപ്പെടുത്തല് നടത്തിയെന്നാണ് പരാതി. ഇന്ന് വൈകിട്ട് പൗഡിക്കോണത്തെ വീട്ടിലെത്തി ഒപ്പം വരാന് രാഹുലിനോട് ആവശ്യപ്പെടുകയായിരുന്നു. തുടര്ന്ന് സ്വന്തം വാഹനത്തില് വരാമെന്ന് രാഹുല് പറഞ്ഞത് പ്രകാരം അതിനനുവദിച്ചു. ഭാര്യയും പൊലീസുദോാഗസ്ഥരും രാഹുലിന്റെ കാറില് നന്ദാവനെത്ത എ ആര് ക്യാമ്പിലെത്തി.പിന്നീട് തൈക്കാട് പൊലീസ് ട്രയിനിംഗ് കോളേജിന് സമീപമുളള സൈബര് പൊലീസ് ഓഫീസിലെത്തിച്ച് ചോദ്യം ചെയ്ത ശേഷമാണ് അറസ്റ്റ് രേഖപ്പെടുത്തിയത്.
