ന്യൂദല്ഹി:ഗ്രീസിലെ പ്രമുഖ പ്രതിരോധ മാസികയില് ഇന്ത്യയുടെ മിസൈല് പവറിനെക്കുറിച്ച് നീണ്ട ലേഖനം ഈയിടെ പ്രസിദ്ധീകരിച്ചിരുന്നു. അതില് ബ്രഹ്മോസിനേക്കാള് അധികമായി ഇന്ത്യ വികസിപ്പിച്ച ധ്വനി എന്ന മിസൈലിനെക്കുറിച്ചാണ് കൂടുതല് പറയുന്നത്.
ഡിആര്ഡിഒ വികസിപ്പിച്ചുകൊണ്ടിരിക്കുന്ന അപകടകാരിയായ ധ്വനി എന്ന മിസൈലിനെക്കുറിച്ച് ഇന്ത്യക്കാര്ക്കിടയില് പോലും വേണ്ടത്ര പ്രചാരമില്ല. എല്ലാവരും ബ്രഹ്മോസിനെക്കുറിച്ചാണ് കൂടുതല് പറയുന്നത്. പക്ഷെ അതിനേക്കാള് അപകടകാരിയാണ് ധ്വനി മിസൈല്. 2025 ഡിസംബറിലാണ് ധ്വനിയുടെ പരീക്ഷണപ്പറക്കല് നടക്കുക.
ബ്രഹ്മോസിന്റെ ഇരട്ടിവേഗമാണ് ധ്വനിക്ക്. ബ്രഹ്മോസിന്റെ വേഗത 2.8 മാക് അഥവാ മണിക്കൂറില് 3400 കിലോമീറ്റര് ആണ്. ബ്രഹ്മോസ് അതിനാല് ഒരു സൂപ്പര് സോണിക് ക്രൂസ് മിസൈല് ആണ്. മാക് അഞ്ച് അല്ലെങ്കില് ആറ് ആണ് ധ്വനിയുടെ വേഗത. ഏകദേശം മണിക്കൂറില് 7400 കിലോമീറ്റര് വേഗത. അതിനാല് ധ്വനി ഹൈപ്പര് സോണിക് ക്രൂയിസ് മിസൈല് ആണ്. അവിശ്വസനീയമായ വേഗതയും തന്ത്രപരമായ പറക്കല് രീതികളും കാരണം ഇതിനെ വ്യോമപ്രതിരോധസംവിധാനങ്ങള്ക്ക് നശിപ്പിക്കുക എളുപ്പമല്ല. ഇസ്രയേലിന്റെ അയേണ് ഡോം (Iron Dome) അമേരിക്കയുടെ താഡ് (THAAD) എന്നീ മിസൈല് പ്രതിരോധസംവിധാനങ്ങളുടെ വരെ കണ്ണുവെട്ടിക്കാന് ധ്വനി മിസൈലിന് സാധിക്കുമെന്ന് ഗ്രീസിലെ പ്രതിരോധ മാസിക പ്രസിദ്ധീകരിച്ച ലേഖനത്തില് പറയുന്നു.
ഇന്ത്യയുടെ ഹൈപ്പര്സോണിക് ടെക്നോളജി ഡെമോണ്സ്ട്രേറ്റര് വെഹിക്കിള് (എച്ച് ടിഡിവി) പ്രോഗ്രാമിന്റെ ഭാഗമായാണ് ധ്വനിയെ വികസിപ്പിച്ചുകൊണ്ടിരിക്കുന്നത്. ഈ ദൗത്യം പൂര്ത്തിയായാല് ഇന്ത്യ ഹൈപ്പര്സോണിക് സാങ്കേതികവിദ്യ കൈവരിച്ച രാജ്യമായി മാറും. യുഎസ്, റഷ്യ, ചൈന എന്നീ ഹൈപ്പര്സോണിക് സാങ്കേതികവിദ്യയില് പ്രാവീണ്യം നേടിക്കഴിഞ്ഞ രാജ്യങ്ങളുടെ പട്ടികയില് ഇന്ത്യയും ഇടം നേടും. മാക് 5 (ശബ്ദത്തേക്കാള് അഞ്ചിരട്ടി വേഗത) വേഗതയില് കുതിക്കുന്ന ആയുധങ്ങളെയും ആക്രമണവാഹനങ്ങളെയും ഹൈപ്പര്സോണിക് സാങ്കേതികവിദ്യയില് കുതിക്കുന്ന ആയുധങ്ങളായി കണക്കാക്കാം. ഇത്തരം ആയുധങ്ങളുടെ സാങ്കേതികവിദ്യയെ പൊതുവേ ഹൈപ്പര് സോണിക് സാങ്കേതിക വിദ്യ എന്ന് പറയും. ഏറെ സങ്കീര്ണ്ണമായ ഈ സാങ്കേതികവിദ്യ കൈവരിക്കുക എളുപ്പമല്ല. ഇന്ത്യ അതിലേക്ക് ചുവടുവെയ്ക്കാറായി എന്നതാണ് ധ്വനി മിസൈല് നല്കുന്ന സൂചന.
അതുകൊണ്ട് തന്നെ ഇന്ത്യയുടെ ധ്വനിയും മിസൈലും സ്വന്തമാക്കാനും ഈ ഗ്രീക്ക് മാസിക് ഗ്രീക്ക് സര്ക്കാരിനെ ഉപദേശിക്കുന്നു. കാരണം തുര്ക്കിയുടെ ഭീഷണിയെ തടഞ്ഞുനിര്ത്താന് ബ്രഹ്മോസിനും ധ്വനിയ്ക്കും സാധിക്കുമെന്നും ലേഖനം പറയുന്നു.
ഇന്ത്യയുടെ ഡിഫന്സ് റിസര്ച്ച് ആന്റ് ഡെവലപ് മെന്റ് ഓര്ഗനൈസേഷന് (ഡിആര്ഡിഒ- DRDO) 2025 ഡിസംബറിലാണ് ധ്വനി മിസൈലിന്റെ കന്നിപരീക്ഷണം വെച്ചിരിക്കുന്നത്. ഇതിനുള്ള തകൃതിയായ ഗവേഷണവും വികസനവും നടന്നുവരികയാണ്. ആത്മനിര്ഭര് ഭാരതിന്റെ ഭാഗമായാണ് ഇത് വികസിപ്പിക്കുന്നത്. വിജയിച്ചല് പ്രതിരോധരംഗത്ത് ഇന്ത്യയുടെ തലവര മാറ്റുന്ന, ഇന്ത്യയെ ലോകം ഭയക്കുന്ന കാലത്തിലേക്ക് ഇതോടെ ഇന്ത്യ ഉയരും.
