കോഴിക്കോട്: അന്വേഷണ റിപ്പോര്ട്ട് പുറത്തുവന്നതിനു പിന്നാലെ ആരോപണ വിധേയനായ വടകര ഡിവൈഎസ്പി എ ഉമേഷ് അവധിയില്. ആരോഗ്യകാരണങ്ങള് ചൂണ്ടിക്കാട്ടി മെഡിക്കല് അവധിയാണെടുത്തിട്ടുള്ളത്. ഔദ്യോഗിക പദവി ദുരുപയോഗം ചെയ്തുവെന്ന് ചൂണ്ടിക്കാട്ടുന്ന റിപ്പോര്ട്ടില് ഡിവൈഎസ്പിക്കെതിരെ നിയമനടപടി സ്വീകരിക്കാന് എസ്പി സംസ്ഥാന പൊലീസ് മേധാവിയോട് ശുപാര്ശ ചെയ്തിട്ടുണ്ട്. ലൈംഗിക പീഡന ആരോപണത്തില് ഉമേഷിനെതിരെ ഉടന് കേസെടുക്കുമെന്നാണ് സൂചന.
അനാശാസ്യ കേസില് അറസ്റ്റിലായ യുവതിയെ ഡിവൈഎസ്പി ഭീഷണിപ്പെടുത്തി പീഡിപ്പിച്ചുവെന്നായിരുന്നു ചെര്പ്പുള്ളശ്ശേരി സിഐയുടെ ആത്മഹത്യാക്കുറിപ്പിലെ ആരോപണം. തുടര്ന്ന് ഇക്കാര്യം ശരിവച്ച് ഈ യുവതി ജില്ലാ ക്രൈംബ്രാഞ്ച് ഡിവൈഎസ്പിക്ക് മൊഴി നല്കി. തനിക്കൊപ്പം പിടിയിലായവരില് നിന്ന് ഡിവൈ.എസ്.പി. കൈക്കൂലി വാങ്ങിയതായും യുവതിയുടെ മൊഴിയിലുണ്ട്.
നാദാപുരം കണ്ട്രോള് റൂം ഡിവൈഎസ്പിക്ക് സര്ക്കാര് വടകര ഡിവൈഎസ്പിയുടെ ചുമതല നല്കി ഉത്തരവായി.
അന്വേഷണ റിപ്പോര്ട്ടിനു പിന്നാലെ ആരോപണ വിധേയനായ വടകര ഡിവൈഎസ്പി ഉമേഷ് അവധിയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.