കോട്ടയം: വാഹനാപകടത്തില് മരിച്ച സിആര്പിഎഫ് ജവാന്റെ അവകാശികള്ക്ക് 1.60 കോടി രൂപ നഷ്ടപരിഹാരം നല്കാന് വിധി.
കോതനല്ലൂര് മലയില് ജയേഷ്കുമാറിന്റെ (36) അവകാശികള്ക്കാണ് കോട്ടയം മോട്ടോര് ആക്സിഡന്റ് ക്ലെയിംസ് ജഡ്ജി പ്രസൂണ്മോഹന് നഷ്ടപരിഹാരം അനുവദിച്ചത്.
സിആര്പിഎഫില് ജവാനായിരുന്ന ജയേഷ്കുമാര് അവധിക്ക് നാട്ടിലെത്തിയപ്പോള് 2021 ഒക്ടോബറിലായിരുന്നു അപകടം. കാണക്കാരി കളരിപ്പടിയില് അമിതവേഗത്തിലെത്തിയ കാര് ജയേഷ് സഞ്ചരിച്ച ബൈക്കിലിടിക്കുകയായിരുന്നു. ജയേഷ്കുമാറിനെ ഉടന് ആശുപത്രിയിലെത്തിച്ചെങ്കിലും രക്ഷിക്കാനായില്ല. കാര് ഡ്രൈവര്ക്കെതിരേ കേസ് രജിസ്റ്റര് ചെയ്തതെങ്കിലും ജയേഷ്കുമാറിന്റെ അശ്രദ്ധകൊണ്ടാണ് അപകടമുണ്ടായതെന്നായിരുന്നു കുറവിലങ്ങാട് പൊലീസിന്റെ റിപ്പോര്ട്ട്. ഇതേത്തുടര്ന്ന് ജയേഷ്കുമാറിന്റെ ഭാര്യ പാലാ ജുഡീഷ്യല് മജിസ്ട്രേട്ട് കോടതിയെ സമീപിക്കുകയായിരുന്നു. ദൃക്സാക്ഷി മൊഴിയും മറ്റുതെളിവുകളും പരിശോധിച്ച കോടതി , കാര് ഡ്രൈവറുടെ അമിതവേഗവും അശ്രദ്ധയുമാണ് അപകടകാരണമെന്ന് കണ്ടെത്തി. കാര് ഡ്രൈവര്ക്കെതിരേ കുറ്റം ചുമത്തുകയും ചെയ്തു.
ഇതിനൊപ്പം ജയേഷിന്റെ കുടുംബം നഷ്ടപരിഹാരത്തിനായി മോട്ടോര് ആക്സിഡന്റ് ക്ലെയിംസ് ട്രിബ്യൂണലിനെ സമീപിക്കുകയും ചെയ്തിരുന്നു.
വാഹനാപകടത്തില് മരിച്ച സിആര്പിഎഫ് ജവാന്റെ അവകാശികള്ക്ക് 1.60 കോടി രൂപ നഷ്ടപരിഹാരം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.