ഗോവ: 550 വര്‍ഷത്തെ പഴക്കമുള്ള ശ്രീ സംസ്ഥാന്‍ ഗോകര്‍ണ പര്‍ത്തകാളി ജീവോത്തം മഠം സ്ഥാപക ആഘോഷത്തിന്റെ ഭാഗമായി നടക്കുന്ന സാര്‍ത്ഥ പഞ്ചശതമാനോത്സവത്തില്‍ നാളെ ശ്രീരാമന്റെ 77 അടി നീളമുള്ള വെങ്കല പ്രതിമ പ്രധാനമന്ത്രി നരേന്ദ്ര മോദി അനാച്ഛാദനം ചെയ്യും.
ഉച്ചകഴിഞ്ഞ് 3.45ന് പര്‍ത്തകാളി കേന്ദ്ര മഠത്തില്‍ ശ്രീമദ് വിദ്യാധീശ തീര്‍ത്ഥ ശ്രീപദ് വഡേര്‍ സ്വാമിജിയുടെ കാര്‍മ്മികത്വത്തിലാണ് ചടങ്ങ്.
കേരളത്തില്‍ നിന്ന് കായംകുളം, ആലപ്പുഴ, എറണാകുളം, കാഞ്ഞങ്ങാട് തുടങ്ങിയ സ്ഥലങ്ങളില്‍ നിന്നും ചടങ്ങില്‍ പങ്കെടുക്കാന്‍ ഗൗഡ സാരസ്വത ബ്രാഹ്‌മണ സമുദായ അംഗങ്ങള്‍ എത്തുമെന്ന് ഓള്‍ കേരളാ ഗൗഡ സാരസ്വത ബ്രാഹ്‌മണ സമാജം സംസ്ഥാന പ്രസിഡന്റ് കായംകുളം ബിജു എന്‍.പൈ അറിയിച്ചു.
