തൃശൂര് :എല്ഡിഎഫുമായുള്ള ബന്ധം അവസാനിച്ചെന്ന് തൃശൂര് മേയര് എം കെ വര്ഗീസ്. എല് ഡി എഫുമായി ഉണ്ടായിരുന്ന കരാര് കാലാവധി കഴിഞ്ഞു.
അപ്പുറത്തും ഇപ്പുറത്തും 24 പേര് ആയപ്പോള് താന് നിര്ണയിക്കും ആര് മേയര് ആകുമെന്ന്. അങ്ങനെ സാഹചര്യം വന്നതാണെന്ന് എംകെ വര്ഗീസ് പറഞ്ഞു.താന് കോണ്ഗ്രസുകാരനാണെങ്കിലും നാടിന് എന്തെങ്കിലും ചെയ്യണമെന്നായിരുന്നു ആലോചിച്ചിരുന്നത്. ഭരണം ഇടതുപക്ഷത്തിനൊപ്പം ആയതിനാല് ഇടതുപക്ഷത്തിന്റെ കൂടെ നിന്നാല് മാത്രമേ താന് ആഗ്രഹിക്കുന്ന പോലെ വികസനം എത്തിക്കാന് കഴിയുകയുള്ളൂ. അങ്ങനെയാണ് ഇടതുപക്ഷത്തിനൊപ്പം ചേര്ന്നത്.
തദ്ദേശ തെരഞ്ഞെടുപ്പില് സ്വന്തം ഡിവിഷനില് ആര് ജയിക്കണമെന്ന ചോദ്യത്തിന് തന്റെത് കുടുംബം കോണ്ഗ്രസ് കുടുംബമെന്ന് എം കെ വര്ഗീസ് മറുപടി നല്കി. നിയമസഭാ തിരഞ്ഞെടുപ്പില് മത്സരിക്കുമെന്ന സൂചനയും മേയര് നല്കി.
സ്വതന്ത്രമായി പ്രവര്ത്തിക്കാനും സ്വതന്ത്രമായി ചിന്തിക്കാനും അംഗീകാരം നല്കുന്ന ജയിക്കുമെന്ന് ഉറപ്പുള്ള ഏതിനോട് ചേരാനും തയാറാണെന്നും എംകെ വര്ഗീസ് പറഞ്ഞു.സാഹചര്യം ഉണ്ടായാല് ഒരു വരവ് കൂടി വരും.
