കൊച്ചി:നടന് തിലകന്റെ മകന് ഷിബു തിലകന് തദ്ദേശ തിരഞ്ഞെടുപ്പില് മത്സരത്തിനിറങ്ങുന്നത് ഇത് രണ്ടാം തവണ.സജീവ ബി.ജെ.പി പ്രവര്ത്തകനാണ്. ഭാര്യ ലേഖയും ബി.ജെ.പിക്കായി മത്സരരംഗത്തുണ്ടെന്ന് പ്രത്യേകതയുമുണ്ട്. ഷിബു തൃപ്പൂണിത്തുറ നഗരസഭ 20-ാം വാര്ഡിലും ലേഖ 19-ാം വാര്ഡിലുമാണ് മത്സരിക്കുന്നത്.
കുടുംബം ഒന്നടങ്കം കമ്മ്യൂണിസ്റ്റ് സഹയാത്രികരായിരുന്നപ്പോഴാണ് 1996ല് ഷിബു തിലകന് ബി.ജെ.പി രാഷ്ട്രീയത്തിനൊപ്പം ചേര്ന്നത്. കഴിഞ്ഞ തവണ ഷിബു മത്സരിച്ചെങ്കിലും വിജയിക്കാനായില്ല. തിലകന്റെ ആറ് മക്കളില് ഷിബു മാത്രമാണ് രാഷ്ട്രീയത്തിലിറങ്ങിയത്.
അച്ഛന്റെ നിലപാടുകളോട് എന്നും ബഹുമാനമാണെങ്കിലും അദ്ദേഹത്തിന്റെ രാഷ്ട്രീയത്തോട് താത്പര്യമില്ലെന്നാണ് ഷിബു പറയുന്നത്. കമ്മ്യൂണിസ്റ്റ് ആശയങ്ങള് അംഗീകരിക്കാനാകില്ല.ജനങ്ങളെ ബുദ്ധിമുട്ടിലേക്ക് തള്ളിവിടുന്ന ആശയമാണ് അതെന്നാണ് ഷിബുവിന്റെ പക്ഷം. തിരുവാങ്കുളം കേശവന്പടിയിലാണ് താമസിക്കുന്നത്..
അച്ഛന്റെയും സഹോദരങ്ങളുടെയും പാത പിന്തുടര്ന്ന് സിനിമയിലും ഷിബു അഭിനയിച്ചിട്ടുണ്ട്.25ചിത്രങ്ങളില് ചെറിയ വേഷങ്ങളില് അഭിനയിച്ചു. യക്ഷിയും ഞാനും, ഇവിടം സ്വര്ഗമാണ്, ചാലക്കുടിക്കാരന് ചങ്ങാതി തുടങ്ങിയ ചിത്രങ്ങളിലെ വേഷങ്ങള് ശ്രദ്ധിക്കപ്പെട്ടിരുന്നു..
