കൊച്ചി: തദ്ദേശ തിരഞ്ഞെടുപ്പില് അനര്ഹര്ക്ക് സീറ്റ് നല്കിയെന്ന് ആരോപിച്ച് കൊച്ചി ഡെപ്യൂട്ടി മേയര് കെ എ അന്സിയ സിപിഐയില് നിന്ന് രാജിവച്ചു.
മട്ടാഞ്ചേരി അഞ്ചാം ഡിവിഷന് കൗണ്സിലറായിരുന്നു അന്സിയ.
‘ഇതുവരെയുള്ള പ്രവര്ത്തനങ്ങളില് മേയര്ക്കൊപ്പം നിന്നു. ലീഗിന്റെ കോട്ടയില് നിന്നാണ് ജയിച്ചുവന്നത്. പല പ്രശ്നങ്ങളും ഉണ്ടായിട്ടുണ്ട്. അതെല്ലാം പാര്ട്ടിയോട് പറഞ്ഞിരുന്നു. എന്നാല്, പാര്ട്ടിയുടെ പിന്തുണ എപ്പോഴും ഉണ്ടായിരുന്നില്ല. ആറാം ഡിവിഷനാണ് ഇത്തവണ സിപിഐയുടെ സീറ്റ്. മത്സരിക്കുന്നില്ലെന്ന് ഞാന് പറഞ്ഞതാണ്. മഹിളാ സംഘത്തില് നന്നായി പ്രവര്ത്തിക്കുന്ന രണ്ടുപേരുടെ പേരുകള് നിര്ദ്ദേശിക്കുകയും ചെയ്തു. എന്നാല്, അര്ഹതയില്ലാത്ത ആളുടെ പേരാണ് അന്തിമമായി വന്നത്.
പ്രസ്ഥാനം വ്യക്തികളിലേക്ക് ഒതുങ്ങിപോയി. പാര്ട്ടിയില് മെമ്പര്ഷിപ്പ് പോലുമില്ലാത്ത ആളാണ് നിലവിലെ സ്ഥാനാര്ത്ഥി’-വാര്ത്താസമ്മേളനത്തില് അന്സിയ പറഞ്ഞു.
