ചില തോൽവികൾ നമ്മളെ സമ്മർദ്ദത്തിലാക്കാറുണ്ട് . അങ്ങനെയുള്ളവർക്ക് പോകാൻ പറ്റിയ ഇടമാണ് പട്ടായ . സഞ്ചാരികളെ ഏറ്റവും ആകർഷിക്കുന്ന തായ് ടൂറിസത്തിന്റെ ഭാഗമായ വിവിധ നഗരങ്ങളും സഞ്ചാരകേന്ദ്രങ്ങളും കാണാനായൊരു യാത്ര. മുക്കിനും മൂലയിലുമുള്ള മസാജ് സെന്ററുകളിൽ തായ് പരമ്പരാഗത രീതിയിലുള്ള നുവാദ് ബോറാൻ, നുവാദ് തായ് എന്നിങ്ങനെ തായ് മസാജുകളാണ് ഉള്ളത്.
ഫോട്ടോഗ്രാഫിയ്ക്ക് ചില സ്ഥലങ്ങളിൽ വിലക്കേർപ്പെടുത്തിയിട്ടുണ്ട്. ആദ്യ കാലങ്ങളിൽ മത്സ്യബന്ധനഗ്രാമം മാത്രമായിരുന്ന പട്ടായ വിയറ്റ്നാം യുദ്ധകാലത്തുണ്ടായ അമേരിക്കൻ സൈന്യത്തിന്റെ കുടിയേറ്റത്തോടെയും താൽക്കാലിക വാസത്തോടെയുമാണ് ഒരു വിനോദ സഞ്ചാരകേന്ദ്രമായി മാറിയത്. പരിവർത്തനത്തിന്റെ ആദ്യ ചുവടുവെയ്പ്പായിരുന്നു അത്. ഇന്ന് തായ്ലാന്റിലെ വൻനഗരങ്ങളിൽ എട്ടാം സ്ഥാനത്തും ഏറ്റവും കൂടുതൽ വിനോദസഞ്ചാരികൾ എത്തിപ്പെടുന്നതുമായ ലോക രാഷ്ട്രനഗരമാണ് പട്ടായ.
ആട്ടവും പാട്ടുമായി ഉണർന്നിരിക്കുന്ന നഗരത്തിനു രാത്രികളും പകലുകൾ പോലെ വെളിച്ചം നിറഞ്ഞ മുഖമാണ്.പട്ടായയിലെ പണിതീരാത്ത ഒരു മ്യൂസിയമാണ് ദി സാങ്ച്വറി ഓഫ് ട്രൂത്. ആദ്യ നോട്ടത്തിൽ ഒരു ക്ഷേത്രത്തിനോട് സമാനമാണിത്. പൂർണമായും തടിയിൽ നിർമിച്ചതെന്ന സവിശേഷതയുമുണ്ട്. ഈ മ്യൂസിയത്തിൽ കാണുവാൻ കഴിയുന്ന ശില്പങ്ങളും രൂപങ്ങളുമെല്ലാം മരത്തിൽ തന്നെ നിർമിച്ചതാണ്. 1981 ലാണിതിന്റെ നിർമാണമാരംഭിച്ചത്. ഇതുവരെയും പണി പൂർത്തീകരിക്കാൻ കഴിഞ്ഞിട്ടില്ലെങ്കിലും സന്ദർശകർക്ക് ഇവിടെ പ്രവേശനാനുമതിയുണ്ട്.
പതിനഞ്ചു കിലോമീറ്ററോളം നീണ്ടു കിടക്കുന്നതാണ് പട്ടായയിലെ ബീച്ചുകൾ. പട്ടായ നഗരത്തിൽ നിന്നും 45 മിനിറ്റ് യാത്ര ചെയ്താൽ കോറൽ ദ്വീപിലെത്താം. ഇവിടെയെത്തുന്ന സന്ദർശകരെ ഏറ്റവും ആകർഷിക്കുക പാരാഗ്ലൈഡിങ് ആണ്. ആകാശത്തിന്റെ അനന്ത വിഹായസിലേക്കു ഉയർന്നു പൊങ്ങി താഴെയെത്തുന്ന സുന്ദര നിമിഷങ്ങൾ ഇവിടെയെത്തിയാൽ ആസ്വദിക്കാം
പട്ടായ നഗരത്തിനു മധ്യത്തിലായാണ് ഫ്ളോട്ടിങ് മാർക്കറ്റ് സ്ഥിതി ചെയ്യുന്നത്. വെള്ളത്തിനുമുകളിൽ ഒഴുകുന്ന വീടുകൾ പോലെയുള്ള സ്ഥലങ്ങൾ കച്ചവട കേന്ദ്രങ്ങളാണ്. ബാങ്കോക്കിലെ പൗരാണിക പ്രാധാന്യമുള്ള സവിശേഷ വസ്തുക്കൾ മുതൽ ചൈനീസ് സാധനങ്ങൾ വരെ ഒഴുകുന്ന ഈ മാർക്കറ്റുകളിൽ നിന്നും വാങ്ങാവുന്നതാണ്. ഒരു കടയിൽ നിന്നും അടുത്ത കടയിലേക്കുള്ള യാത്രയും വള്ളത്തിൽ തുഴഞ്ഞുകൊണ്ടാണെന്നതാണ് ഏറെ രസകരമായ വസ്തുത.
