ന്യൂദല്ഹി: ചെങ്കോട്ടയ്ക്ക് സമീപമുണ്ടായ സ്ഫോടനത്തില് കൊല്ലപ്പെട്ടവരുടെ കുടുംബങ്ങള്ക്ക് ദല്ഹി മുഖ്യമന്ത്രി രേഖ ഗുപ്ത 10 ലക്ഷം രൂപ വീതം ധനസഹായം പ്രഖ്യാപിച്ചു. സ്ഥിരമായി അംഗവൈകല്യം സംഭവിച്ചവര്ക്ക് 5 ലക്ഷം രൂപയും ഗുരുതരമായി പരിക്കേറ്റവര്ക്ക് 2 ലക്ഷം രൂപയും നഷ്ടപരിഹാരം നല്കും.
‘ഡല്ഹിയിലെ ദൗര്ഭാഗ്യകരമായ സംഭവം നഗരത്തെ മുഴുവന് ഞെട്ടിച്ചിരിക്കുന്നു. ഈ ദുഷ്കരമായ സമയത്ത്, പ്രിയപ്പെട്ടവരെ നഷ്ടപ്പെട്ട എല്ലാ കുടുംബങ്ങളോടും പരിക്കേറ്റവരോടുമുള്ള അഗാധമായ ദുഖം ദല്ഹി സര്ക്കാര് അറിയിക്കുന്നു,’ മുഖ്യമന്ത്രി എക്സില് പറഞ്ഞു. പരിക്കേറ്റ എല്ലാവര്ക്കും വിദഗ്ധചികിത്സ സര്ക്കാര് ഉറപ്പാക്കും. ദുരിതബാധിതരായ എല്ലാ കുടുംബങ്ങള്ക്കും ഡല്ഹി സര്ക്കാര് പൂര്ണ്ണ പിന്തുണ നല്കുമെന്നും അവര് അറിയിച്ചു.
എല്.എന്.ജെ.പി ആശുപത്രിയില് ചികില്സയില് കഴിയുന്നവരെ മുഖ്യമന്ത്രി സന്ദര്ശിച്ചു. ആഭ്യന്തരമന്ത്രി ആശിഷ് സൂദും അനുഗമിച്ചിരുന്നു.
സ്ഫോടനത്തില് കൊല്ലപ്പെട്ടവരുടെ കുടുംബങ്ങള്ക്ക് 10 ലക്ഷം രൂപ വീതം ധനസഹായം പ്രഖ്യാപിച്ച് ദല്ഹി സര്ക്കാര്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.