സംസ്ഥാന സ്‌കൂള്‍ ശാസ്ത്രോത്സവം: മുന്നേറ്റം തുടര്‍ന്ന് മലപ്പുറം

പാലക്കാട്: സംസ്ഥാന സ്‌കൂള്‍ ശാസ്ത്രമേളയുടെ രണ്ടാംദിനത്തിലും മുന്നേറ്റം തുടര്‍ന്ന് മലപ്പുറം. 386 പോയിന്റ് നേടിയാണ് കഴിഞ്ഞ വര്‍ഷത്തെ ചാമ്പ്യന്മാരായ മലപ്പുറം ഒന്നാംസ്ഥാനത്തുള്ളത്. 372 പോയിന്റുമായി കണ്ണൂരും 364 പോയിന്റ് നേടി കോഴിക്കോടും രണ്ടും മൂന്നും സ്ഥാനത്തുണ്ട്.

മറ്റു ജില്ലകളുടെ പോയിന്റ് നില: തൃശൂര്‍(361), വയനാട് (358).സ്‌കൂള്‍തലത്തില്‍ 60 പോയിന്റ് നേടി ആലപ്പുഴ പൂങ്കാവ് എംഐഎച്ച്എസ് ഒന്നാംസ്ഥാനത്താണ്. കണ്ണൂര്‍ മൊകേരി രാജീവ്ഗാന്ധി എംഎച്ച്എസ്എസ് 51 പോയിന്റുമായി രണ്ടാംസ്ഥാനത്തും, കോഴിക്കോട് മേമുണ്ട എച്ച്എസ്എസ് 48 പോയിന്റ് നേടി മൂന്നാംസ്ഥാനത്തുമുണ്ട്.സ്‌കില്‍ഫെസ്റ്റില്‍ വടകരയാണ് ഒന്നാംസ്ഥാനത്തുള്ളത്. തൃശൂര്‍, എറണാകുളം ജില്ലകളാണ് യഥാക്രമം രണ്ടും മൂന്നുംസ്ഥാനങ്ങളില്‍.

സെപ്ഷ്യല്‍ സ്‌കൂള്‍ ശാസ്ത്രമേളയില്‍ 5620 പോയിന്റ് നേടി കോട്ടയം ഓവര്‍റോള്‍ കിരീടം നേടി. 3153 പോയിന്റ് നേടി എറണാകുളം രണ്ടാമതും 3092 പോയിന്റ് നേടി മലപ്പുറം മൂന്നാം സ്ഥാനത്തുമാണ്. മറ്റു ജില്ലകളുടെ പോയിന്റ് നില: പാലക്കാട്(2898), കോഴിക്കോട്( 2634), തിരുവനന്തപുരം (17790),തൃശൂര്‍(775),കാസര്‍ഗോഡ്(495). ശാസ്ത്രമേള നാളെ സമാപിക്കും.