ന്യൂദല്ഹി: ഇന്ത്യയില് ഭരണം അട്ടിമറിക്കുന്ന രീതിയില് ജെന് സീ കലാപം നടക്കാത്തതിനാല് വലിയ ദുഖത്തോടെ ബിബിസി. ഈയിടെ പ്രസിദ്ധീകരിച്ച പല ലേഖനങ്ങളിലും ഇന്ത്യയില് ഒരു ജെന്സീ കലാപം നടക്കാത്തതിലുള്ള അക്ഷമയും അമര്ഷവും ബിബിസി പങ്കുവെയ്ക്കുന്നുണ്ട്.
നേപ്പാളിലും ബംഗ്ലാദേശിലും നടന്നതുപോലെ ഒരു ജെന്സീ കലാപം ഇന്ത്യയിലും നടക്കണം എന്നാണ് ബിബിസി ലേഖനങ്ങള് ആഗ്രഹിക്കുന്നത്. ‘എന്തുകൊണ്ടാണ് ഇന്ത്യയുടെ ജെന് സീ തലമുറ തെരുവുകളില് ഇറങ്ങുന്നില്ല?’ എന്നതായിരുന്നു ഏറ്റവുമൊടുവില് ബിബിസി പ്രസിദ്ധീകരിച്ച ലേഖനത്തിന്റെ തലക്കെട്ട്.
ഇന്ത്യയിലെ യുവതലമുറ വല്ലാതെ ശാന്തരാണ് എന്നതില് ബിബിസിക്ക് എന്തോ അമര്ഷമുള്ളതുപോലെയാണ് ലേഖനത്തില് അന്തര്ലീനമായിരിക്കുന്ന വികാരം. നേപ്പാളിലും ബംഗ്ലാദേശിലും നടന്നതുപോലെയുള്ള ലഹള ഇന്ത്യയില് നടക്കാതിരിക്കുന്നത് എന്തുകൊണ്ട് എന്ന അക്ഷമയും പരോക്ഷമായി ഈ ലേഖനത്തില് മുഴങ്ങിക്കേള്ക്കുന്നു. എന്തുകൊണ്ട് ഇന്ത്യയില് ജെന്സീ കലാപം നടക്കുന്നില്ല എന്ന കാര്യം വിശകലനം ചെയ്യുന്നതാണ് ഈ ലേഖനം.
മോദി സര്ക്കാരിനോട് കടുത്ത അമര്ഷമുള്ള സ്ഥാപനമാണ് ബിബിസി. പ്രധാനമന്ത്രി മോദിയ്ക്കെതിരെ ഇല്ലാത്ത നുണക്കഥകള് തട്ടിക്കൂട്ടി നിര്മ്മിച്ച ഡോക്യുമെന്ററി പ്രദര്ശിപ്പിക്കുന്നത് മോദി സര്ക്കാര് തടഞ്ഞത് വലിയ പ്രശ്നമുണ്ടാക്കിയിരുന്നു. ഗുജറാത്ത് കൂട്ടക്കൊലയ്ക്ക് പിന്നില് മോദിയാണ് എന്ന രീതിയിലായിരുന്നു ഈ ഡോക്യുമെന്ററിയുടെ ഉള്ളടക്കം. ഇതേ തുടര്ന്ന് ബിബിസിയും മോദി സര്ക്കാരും തമ്മിലുള്ള ഉരസല് വര്ധിച്ചുവന്നു. ബിബിസി നടത്തിവരുന്ന വന്നികുതി വെട്ടിപ്പ് സര്ക്കാര് കണ്ടെത്തിയതോടെ ഇന്ത്യയില് അവരുടെ പ്രവര്ത്തനം അടച്ചുപൂട്ടേണ്ടിവന്നിരുന്നു.
ജെന് സീ ആരോധിക്കുന്ന മോദി
സുശക്തമായ മോദീഭരണത്തില് ജെന്സീ കലാപം സാധ്യമല്ല. കാരണം അതിന് മാത്രം സര്ക്കാരിനെതിരായ വന് അഴിമതി ആരോപണങ്ങളൊന്നും തന്നെയില്ല. മാത്രമല്ല, നല്ലൊരു വിഭാഗം ജെന് സീ തലമുറക്കാര് മോദിയുടെ ആരാധകരുമാണ്. നേപ്പാളിലെ കലാപത്തിന് പ്രധാനകാരണം അധികാരത്തില് കഴിയുന്ന മന്ത്രിമാരുടെ സ്വന്തക്കാര് നടത്തുന്ന ആഡംബര ജീവിതമാണ്. ഇതാണ് ജെന് സീ തലമുറയെ പ്രകോപിതരാക്കിയത്. പ്രധാനമന്ത്രി മോദി, ഉത്തര്പ്രദേശ് മുഖ്യമന്ത്രി യോഗി ആദിത്യനാഥ് തുടങ്ങിയ പലരും വിവാഹിതര് പോലുമല്ല. അതിനാല് സ്വജനപക്ഷപാതമോ കുടുംബവാഴ്ചയോ ഇവരുടെ ഭരണത്തിന്റെ ഭാഗമല്ല. മതമൗലികവാദികളായ ഇസ്ലാമിക സംഘടനകള്, മതപരിവര്ത്തനലോബികള്, അധികാരം നഷ്ടമായ കോണ്ഗ്രസും മറ്റ് പ്രതിപക്ഷപാര്ട്ടികളും എന്നിവരാണ് ജെന്സീ എന്ന് അലമുറയിടുന്നത്. കാരണം ഇവര്ക്ക് ജനാധിപത്യ മാര്ഗ്ഗത്തിലൂടെ മോദി സര്ക്കാരിനെ വീഴ്ത്താനുള്ള കരുത്തോ ജനകീയാടിത്തറയോ ഇല്ല.
ജെന് സീ കലാപഗൂഢാലോചന ശക്തം
പൊതുവേ നരേന്ദ്രമോദി സര്ക്കാരിനെ അട്ടിമറിക്കാനുള്ള ജെന്സീ കലാപത്തിനായി അന്താരാഷ്ട്ര തലത്തില് ഗൂഢാലോചന നടന്നുവരുന്നുണ്ട്. മറ്റ് രാജ്യങ്ങളിലെ ഭരണം അട്ടിമറിക്കുന്ന അമേരിക്കയിലെ സമാന്തര അധികാരവ്യവസ്ഥയായ ഡീപ് സ്റ്റേറ്റാണ് ഇതിന് പിന്നിലെന്ന് പറയുന്നു.
അധികം വൈകാതെ തന്നെ ഇന്ത്യയില് ഒരു ജെന്സീ കലാപം ഉണ്ടായേക്കുമെന്ന് റിപ്പബ്ലിക് ടിവി ചാനല് എഡിറ്റര് അര്ണബ് ഗോസ്വാമി പ്രവചിച്ചിരുന്നു. കഴിഞ്ഞ ദിവസം വോട്ട് ചോരി ആരോപണങ്ങള് ഉയര്ത്തിയ രാഹുല് ഗാന്ധിയും ജെന് സീയോട് ഇതിനെതിരെ പ്രതികരിക്കാനാണ് ആഹ്വാനം ചെയ്തത്.
