തിരുവനന്തപുരം: ബി ജെ പിക്ക് ശക്തമായ അടിത്തറയുളള തിരുവനന്തപുരത്ത് ഭരണം കൈവിടാതിരിക്കാനുളള മാര്ഗമാരായുകയാണ് സി പി എം. ബി ജെ പിയെ പ്രതിരോധിക്കാന്, പാര്ട്ടിയുടെ മൂന്ന് ഏരിയ സെക്രട്ടറിമാരെ കോര്പ്പറേഷനില് മത്സരിപ്പിക്കാന് സി പി എം തിരുവനന്തപുരം ജില്ലാ കമ്മിറ്റി യോഗത്തില് തീരുമാനമായെന്ന് സൂചന. സിപിഎം വഞ്ചിയൂര് ഏരിയ സെക്രട്ടറി കെ ശ്രീകുമാര്, പാളയം ഏരിയ സെക്രട്ടറി വഞ്ചിയൂര് പി ബാബു, വിളപ്പില് ഏരിയാ സെക്രട്ടറി ആര് പി ശിവജി എന്നിവര് മത്സരരംഗത്തിറങ്ങാനാണ് തീരുമാനമെന്നാണ് വിവരം.
ജില്ലാ കമ്മിറ്റി അംഗങ്ങളായ എസ് പി ദീപക്, എസ് എ സുന്ദര് എന്നിവരും മത്സരിക്കുമെന്നാണ് അറിയുന്നത്.കെ ശ്രീകുമാര് ചാക്കയിലും വഞ്ചിയൂരില് പി ബാബുവും ആര് പി ശിവജി പുന്നയ്ക്കാ മുഗള് വാര്ഡിലുമായിരിക്കും മത്സരിക്കുക.തിരഞ്ഞെടുപ്പ് വിജ്ഞാപനം വന്നാല് ഉടന് സ്ഥാനാര്ത്ഥികളെ പ്രഖ്യാപിക്കാനാണ് ധാരണ.
സിപിഎം കോര്പ്പറേഷനിലെ 75 സീറ്റുകളിലായിരിക്കും മത്സരിക്കുക. 17 സീറ്റില് സിപിഐ മത്സരിക്കും.101 വാര്ഡുകള് ഉള്ള തിരുവനന്തപുരം കോര്പ്പറേഷനില് കേരള കോണ്ഗ്രസ് എം , കേരള കോണ്ഗ്രസ് ബി, ആര് ജെ ഡി എന്നിവര്ക്കും പ്രാതിനിധ്യമുണ്ട്.
