സർവ ഐശ്വര്യത്തിന്റെയും സമ്പദ്സമ്യദ്ധിയുടേയും പ്രതീകമാണ് വിളക്ക്. എല്ലാ ശുഭകാര്യങ്ങളും ദീപം തെളിച്ച് തുടങ്ങുന്നതും ഇതുകൊണ്ടു തന്നെ. ഭാരതീയ വിശ്വാസമനുസരിച്ച് തിരി തെളിക്കുന്നത് പുണ്യകർമമാണ്. വെളിച്ചത്തിന്റെ ഓംകാരധ്വനിയിൽ മനസ്സിലെ ഇരുട്ട് അകറ്റുന്നു എന്നാണ് വിശ്വാസം. സന്ധ്യാസമയത്തെ നിലവിളക്കിന്റെ പ്രകാശത്തിൽ ലക്ഷ്മീദേവി നൃത്തം ചെയ്യുമത്രേ. വിളക്കു തെളിഞ്ഞു നിൽക്കുന്ന സമയത്ത് നാമം ജപിക്കുന്നതും ശ്രേഷ്ഠമായി കണക്കാക്കുന്നു.
എണ്ണ മാത്രമല്ല നെയ്യ് ഒഴിച്ചും വിളക്ക് കൊളുത്താം. എന്നാൽ ഇതു ചില കാര്യ സാധ്യങ്ങൾക്ക് വേണ്ടിയേ ചെയ്യേണ്ടതുള്ളൂ. വിവാഹം നടക്കണം, ജോലി വേണം തുടങ്ങിയ പ്രത്യേക കാര്യസാധ്യങ്ങൾക്കായി നെയ്യ് നിറയെ ഒഴിച്ച് തിരി തെളിക്കണം. 12 ദിവസം അടുപ്പിച്ച് അല്ലെങ്കിൽ 21 ദിവസം അടുപ്പിച്ച് അല്ലെങ്കിൽ 41 ദിവസം അടുപ്പിച്ച് വേണം ഇതു ചെയ്യാൻ. അത്രയും ദിവസത്തിനുള്ളിൽ തന്നെ കാര്യസാധ്യം ഉണ്ടാകും.
നെയ് വിളക്ക് സാധാരണ ക്ഷേത്രങ്ങളിൽ നടത്തുന്ന വഴിപാടാണ്. ഇതു വീട്ടിലാണെങ്കിലും രാവിലെയാണ് ചെയ്യേണ്ടത്. ഇത്തരത്തിൽ വിളക്ക് കൊളുത്തുമ്പോൾ അഞ്ചു തിരിയിട്ടു കത്തിക്കണം. ഇതിനു ഭദ്രദീപം എന്നാണ് ഇതു പറയുന്നത്. 5 തിരി കൊളുത്തുന്നതു പ്രദക്ഷിണമായി വേണം. ആദ്യം കിഴക്കോട്ടു വേണം തിരി തെളിക്കാൻ.
ദീപലക്ഷണം എന്ന ഒന്നുണ്ട്. ഇത് നോക്കി വേണം ജീവിതത്തിൽ ഐശ്വര്യം വർദ്ധിക്കുന്നത്. ഇതിലൊന്ന് ചോരാത്ത നിലവിളക്ക്. അതായത് നിലവിളക്കിൽ നിന്ന് എണ്ണ ചോരുന്നത് രോഗങ്ങൾക്ക് കാരണമാകും എന്നാണ് വിശ്വാസം. ഇത് ഐശ്വര്യക്കേടിലേക്ക് എത്തിക്കും. ഇതുകൊണ്ട് നിലവിളക്ക് വാങ്ങുബോൾ അൽപം വെള്ളം ഒഴിച്ചു നോക്കി ചോരുന്നില്ലെന്നത് ഉറപ്പ് വരുത്തേണ്ടതാണ്.
. ദീപം ഇടതു വശത്തേക്ക് തിരിഞ്ഞുകത്തുക , മലിനമായി തോന്നുക മങ്ങിയും ചെറുതായും ഇരിക്കുക പൊരികൾ പുറപ്പെടുക , പൊട്ടുക , അകാരണമായി കെടുക , ആളിക്കത്തുക, ഇരട്ട ജ്വാലകൾ ഉണ്ടാകുക. വിറയാർന്നു കത്തുക തുടങ്ങിയവയൊക്കെ അശുഭലക്ഷണമാണ്. പതിവായി ഇവ ഭവനങ്ങളിലും സംഭവിച്ചാൽ ദോഷപരിഹാരമായി ഈശ്വരഭജനം തുടങ്ങിയവ അനുഷ്ഠിക്കേണ്ടതാണ്. സ്വർണ്ണ നിറത്തിൽ പ്രകാശത്തോടും ചായ് വില്ലാതെ നേരെ ഉയർന്ന് പൊങ്ങുന്നതുമായ ജ്വാല ഐശ്വര്യത്തെ സൂചിപ്പിക്കുന്നു.
