തിരുവനന്തപുരം: പി.എം.ശ്രീ പദ്ധതില് സംസ്ഥാന സര്ക്കാര് ഒപ്പിട്ടത് തന്ത്രപരമായ നീക്കമെന്ന് വിദ്യാഭ്യാസമന്ത്രി ശിവന്കുട്ടി. നയവ്യതിയാനമെന്ന ആക്ഷേപം സിപിഐയില് നിന്നടക്കം ഉയര്ന്ന പശ്ചാത്തലത്തിലാണ് ശിവന്കുട്ടിയുടെ വിശദീകരണം. കേന്ദ്രസര്ക്കാരിനെ പറ്റിച്ച് ഫണ്ട് നേടിയെടുക്കുകയാണ് ലക്ഷ്യമെന്നുള്ള തുറന്നു പറച്ചിലാണ് ശിവന്കുട്ടി നടത്തിയിരിക്കുന്നത്. നയം പറഞ്ഞിരുന്നാല് പണം കിട്ടില്ലെന്നും അദ്ദേഹം പറയുന്നു. പദ്ധതിയില് ഒപ്പിട്ട് പണം വാങ്ങിയശേഷം എന്തുമാവാമെന്നാണ് മന്ത്രി പറയുന്നത്. അടുത്ത വര്ഷമേ ഇതുസംബന്ധിച്ച് കേന്ദ്രസര്ക്കാരില് നിന്ന് കണക്കു ചോദ്യം ഉണ്ടാകൂ എന്നും മന്ത്രി കണക്കുകൂട്ടുന്നു. അടുത്ത സര്ക്കാര് ഏതായാലും തങ്ങളുടേതാവില്ലെന്നതും മന്ത്രിക്ക് ഇത്തരമൊരു തന്ത്രത്തിനു ധൈര്യം പകരുന്നു.
എന്നാല് ശിവന്കുട്ടിയുടെ പറ്റിക്കലിന് കേന്ദ്രം നിന്നുകൊടുക്കുമോ എന്നത് കണ്ടറിയേണ്ട കാര്യമാണ്.
